वर्षा र संजोगको बिहे खर्च एक करोड पुग्ने || वर्षा भन्छिन्, ‘संजोगको घरमा नोकर हुन जान लागेको होइन’
अभिनेत्री वर्षा राउत र अभिनेता तथा व्यवसायी संजोग कोइराला चाँडै जीवनको नयाँ अध्याय सुरु गर्दैछन् ।
करीब ७ वर्ष लामो प्रेम सम्बन्धलाई उनीहरु विवाहमा परिणत गर्दैछन् ।
प्रेम गर्नेहरुका लागि विशेष दिन अर्थात् भ्यालेन्टाइन डे ९फागुन २ गते० को दिन दुईले अग्नीलाई साक्षी राखेर सात जन्मसम्म सँगै रहने कसम खाँदैछन् ।
केही दिन अगाडि सामाजिक सञ्जालमा एक निमन्त्रणा कार्डमार्फत् उनीहरुले विवाहको मिति घोषणा गरेका थिए ।
अहिले दुबै विवाहको तयारीमा जुटेका छन् ।
दुईको भेट ७ वर्ष अगाडि एक फिल्मको अडिसनको क्रममा भएको थियो ।
त्यस भेटपछि उनीहरु एकअर्कासँग नजिक भएका थिए ।
अहिले अभिनेत्री वर्षालाई फिल्ममा भ्याइनभ्याइ छ भने संजोग फिल्मभन्दा बढी आफ्नो व्यवसायमा व्यस्त छन् ।
वर्षा अभिनीत नयाँ फिल्म ुगोपीु यही माघ १८ मा रिलिज हुँदैछ ।
संजोग अभिनीत फिल्म ुकथा काठमाण्डूु गएको महिना प्रदर्शनमा आएको थियो ।
फिल्म ुएउटा यस्तो प्रेम कहानीु मा दुबैले पहिलो पटक सँगै काम गरेका छन् ।
विवाहपछि वर्षाले फिल्म गर्छिन् वा गर्दिनन् भन्ने थुप्रैले जिज्ञासा राखिरहेका छन् ।
वर्षा भने आफू विवाहपछि पनि फिल्म गर्न नछाड्ने बताउँछन् ।
मंगलवार फिल्म ुगोपीु को स्पेशल सोमा संजोगसँग पुगेकी वर्षाले सञ्चारकर्मीसँग भनिन्, ुमेरो पेशा बुझ्ने घरमा जाँदैछु ।
मलाई विवाहपछि पनि काम गर्न कुनै रोकथोक हुने छैन भन्नेमा ढुक्क छु ।ु
संजोगको घरमा ुवर्किङ भिसाु मा जान लागेको र स्वाभलम्बी अभिनेत्री अर्काको घरमा गृहणी बन्न लागेको प्रशंसकको केही कमेन्टले दुःखी वर्षा अगाडि भन्छिन्, ुनोकर हुन जान लागेको होइन ।
एउटा बुहारी भएर जान लागेको हुँ ।ु संजोगले पनि विवाहपछि वर्षाले फिल्म गर्ने स्पष्ट पारे ।
उनले मिठो शैलीमा भने, ुसंजोग कोइरालाको परिवारले कामलाई धर्म मान्छ । त्यसैले वर्षाको धर्म परिवर्तन गर्दैन ।
विवाहपछि त झन् उनले उत्कृष्ट फिल्म गर्छिन् ।ु
चुलबुले स्वभावकी वर्षाले विवाह खर्च भने दुबै पक्षको जोडेर एउटा राम्रो फिल्म बनाउन पुग्ने बताइन् ।
उनले भनिन्, ुमेरो र संजोगको जोडेर एक करोड त छुन्छ होला ।ु
