ट्रिपरको ठक्करबाट बालिकाको मृत्यु पछि मोरङमा तनाव, ३ वटा ट्रिपरमा आगजनी
ट्रिपरको ठक्करबाट मोरङको बिराटचौकमा ११ बर्षिय बालिकाको मृत्यु भएको छ ।
बिराटचौकबाट बिराटनगर जादै गरेको ना ३३ ख ३३५५ नम्बरको ट्रिपरले सुन्दरहरैचा नगरपालिका ११ सिसौघारीका ११ बर्षिया बालिका लक्ष्मी ढकाललाई ठक्कर दिएको थियो ।
बालिकाको घटनास्थलमै मृत्यु भएको प्रहरीले जनाएको छ ।
तिब्र गतिमा रहेको ट्रिपरले बालिकालाई ठक्कर दिएपछि अनियन्त्रित भइ रुखमा ठोकिएको छ । बालिकाको मृत्यु भएपछि आक्रोशित स्थानियहरुले ट्रिपरमा आगो लगाइदिएका छन् । ट्रिपरका चालक भने फरार छन् ।
आक्रोशित स्थानियले सडकमा गुडिरहेका अन्य दुई ट्रिपरमा पनि आगजनी गरेका छन् । ट्रिपरका कारण बिराटचौकमा धेरैले ज्यान गुमाएको भन्दै रातको समयमा मात्र ट्रिपर संञ्चालन गर्न स्थानियले पटक पटक माग गरिरहेका थिए ।
तनावलाई नियन्त्रणमा लिन ठुलो संख्यामा सुरक्षाकर्मी परिचालन गरिएको बताइएको छ ।
