हाम्रो इकोनोमि

 

 

अमेरिकन साम्राज्यवाद विस्तार विरोधी संगठन भनिने समूहले अमेरिकी दूतावास महाराजगञ्ज अगाडि विरोध प्रदर्शन गरेको छ । शनिबार दिउँसो उनीहरु दूतावास अगाडि भेला भई विरोध प्रदर्शन गरेका हुन् । अमेरिकी राष्ट्रपति डोनाल्ड ट्रम्पले भेनेजुयलाको राष्ट्रपतिमा विपक्षी नेतालाई समर्थन जनाएपछि ट्रम्पको चौतर्फी विरोध भएको छ ।

 

सोही क्रममा सो समूहले अमेरिकी हस्तक्षेप मुर्दावाद भन्दै विरोध प्रदर्शन गरे । उनीहरुले अमेरिकी साम्राज्यवादविरुद्ध एक हौं, अमेरिकी साम्राज्यवाद मुर्दावाद भन्दै दूतावास अगाडि विरोध प्रदर्शन गरेका थिए ।

 

गोविन्द केसीको समर्थनमा काठमाडौंमा प्रदर्शन

विवेकशील नेपाली दलले वरिष्ठ चिकित्सक गोविन्द केसीसँग गरिएको सहमति विपरित सरकारले ‘राष्ट्रिय चिकित्सा शिक्षा विधेयक’ पारित गरेको उल्लेख गर्दै शनिबार काठमाडौंमा विरोध प्रर्दशन गरेको छ ।

 

माफियाको सर्वोच्चता कामय हुनेगरी डा. केसीसँग गरिएको सहमति विपरित सो विधेयक पारित गरिएको भन्दै विवेकशील नेपाली दलले शनिबार काठमाडौंको माईतीघर मण्डलाबाट नयाँ बानेश्वरसम्म ¥यालीसहितको विरोध प्रर्दशन गरेको हो ।

 

गोविन्द केसीसँग गरिएको सहमति विपरित सरकारले माफियाको सर्वोच्चता हुनेगरी विधेयक पारित गरेपछि त्यसको विरोध गर्नु परेको दलका अध्यक्ष उज्वल थापाले जानकारी दिए ।

 

प्रर्दशनका क्रममा दलका नेता÷कार्यकर्ताले डा. केसीसँग गरिएको सहमति विपरित विधेयक पारित गरिएको भन्दै प्रधानमन्त्री केपी ओलीको राजीनामा माग गर्दै चर्का नाराबाजी समेत गरेका थिए ।

 

दलले संसदीय सर्वोच्चताको नाममा माफियाको सर्वोच्चता हुने गरी सो विधेयक पारित गरिएको उल्लेख गर्दै नागरिक सर्वोच्चता स्थापित गराउन सडक संघर्ष सुरु गरिएको पनि स्पष्ट पारेको छ । अध्यक्ष थापाले सरकारले अनसनरत डा. केसीको माग सम्बोधन नगरेसम्म सडक संघर्ष जारी राख्ने चेतावनी पनि दिए ।