“हामी वेश्या भयौ,अपराधी भयौ”- वम दिदी बैनी
कञ्चनपुरकि निर्मलाको हत्यापछि बम दिदीबहिनीलाई अघोषित आरोपीका रुपमा चित्रण गरिएको थियो ।
जताततै आरोप लाग्न थालेपछि उनीहरु राज्यसँग न्याय माग्न राजधानी काठमाडौ आइपुगेका छन् ।
राजधानी आएका बम दिदिबहिनीले मानवअधिकारकर्मी, राजनीतिक दलका नेता र स्थानीय पत्रकारले धम्की दिएको बताएका छन् । तर उनीहरुले नाम भने सार्वजनिक गरेका छैनन् ।
बम दिदीबहिनी यतिबेला निकै हतासमा छन् ।
कानूनले दोषि ठहर गरे आफुहरु जुनसुकै सजाय पनि भोग्न तयार भएको बताएका छन् तर मिडिया, अधिकारकर्मीले आफुहरुलाई जिउँदै हत्या गरेको उनीहरुले बताउछन् ।
‘हामी दोषि भए कानून अनुसार साजय भोग्न तयार छौ, तर, हामीलाई त मिडियाले अपराधी बनाइदिए, मानवअधिकारकर्मीले बेश्या’, बबिताले भनिन् ‘हामी जिउँदो निर्मला भयौ ।’
उनीहरु सामाजिक सञ्जाल, अधिकारकर्मी र केही राजनीतिक दलको दवावका कारण थुनामा पनि बसेका थिए ।
राजधानी लगायत केही स्थानमा दुई दिनअघि मात्र उनीहरुकै कारण निर्मलाको बलात्कारपछि हत्या भएको पर्चा शहरभरि छरिएको छ ।
राजधानीमा छरिएका पर्चामा उनीहरुले यौन ब्यवसाय गर्ने गरेको तथ्यहिन आरोप पनि लगाइएको छ ।
अदालत तथ्य र प्रमाणले नभनेपनि कञ्चनपुरदेखि काठमाडौंसम्म उनीहरुलाई हत्या आरोपीका रुपमा चित्रण गरिन थालिएको छ ।
मिडिया र अधिकारकमीप्रति बम दिदीबहिनीले सबैभन्दा बढि आपत्ति गरेकी छिन् । कपितय मानवअधिकारकर्मीले बम दिदीबहिनी नै अपराधमा रहेको प्रतिवेदन सार्वजनिक पनि गरेका छन् ।
हामीले घर छोडेर न्याय माग्न आएका छौ । बम दिदीबहिनीले काठमाडौंसम्म आफ्नो सुराकी भइरहेको बताए ।
नेपाल मानवअधिकार संगठनले बम दिदीबहिनीलाई दोषि देखाउँदै प्रतिवेदन सार्वजनिक गरेपछि आत्महत्याको तहमा छोरीहरु पुगेको आमा इन्दिरा बमले बताएकी छिन् ।
