लोभलाग्दो प्रणय गीतमा इन्दिराको कोइली स्वर, पिरतीको रस चुस्दा चुस्दै यसरी ‘एक्सिडेन्ट भयो न्यूरोडमा

 

शहरी जीवन र त्यो संग साईनो जोडिएको रौस लाग्दो प्रेमकथालाई समेटेर सिर्जना गरिएको बेजोड गीतले माघे चिसोलाई च्यालेन्ज दिदै यतिबेला बजारमा तताएको छ। आधुनिक र परिस्कृत प्रेमलाई केन्द्रित गरी लालबहादुर सुब्बाको शब्द र संगीतमा सजिएको गीतलाई कोइली स्वरकी धनी इन्दिरा भट्टराईले गाएकी छिन र बजार तताएकी छिन ।

 

भट्टराईको नयाँ गीत ‘एक्सिडेन्ट भयो न्यूरोडमा’ केहि समय अघि मात्रै सार्वजनिक भएको थियो । बुढा सुब्बा डिजिटल प्रालिले उक्त गीतलाई यूट्युबमार्फत सार्वजनिक गरेको हो। सार्बजनिक भएको २ हप्ता नबित्दै गीतले लोकप्रियताको चुली आरोहण गरिसकेको छ र थप चर्चित बन्दै पनि छ। पछिल्ला दिनमा चम्किएको सो गीतगम्भीर बिष्टद्वारा निर्देशित तथा एलिशा राई र श्रीदेव भट्टराईले अभिनय गरेको म्यूजिक भिडियोमा कोरियोग्राफी सुबोल थापाको रहेको छ।