राष्ट्र असफल बनाउने तत्वको डा. केसी गोटी नबन्नुुहोस् -नेता योेगेश भट्टराई
नेपाल कम्यूनिष्ट पार्टी (नेकपा) का प्रभावशाली नेता योगेश भट्टराइले राष्ट्र बिरोधी र षड्यन्त्रकारीहरुको गोटी नबन्न डा. गोविन्द केसीलाई सार्वजनिक आग्रह गरेका छन् । संसदीय समितिबाट चिकित्सा शिक्षा बिधेयक पारित भएको केही घण्टामै डा. केसी इलाम पुगेर अनशन बसेपछि नेता भट्टराईले यस्तो सुझाव दिएका हुन् ।
सरकार र प्रधानमन्त्री केपी शर्मा ओलीले आफुलाई धोका दिएको भन्दै डा. केसीले १६ औं अनशन थालेका छन् । तर शिक्षा तथा स्वास्थ्य समितिका सदस्य समेत रहेका भट्टराइले डा. केसीको जित हुँदा हुँदै अनशन बसेर षड्यन्त्रकारीको गोटी बनेको बताएका छन् ।
डा. केसी र सरकारबीच भएका २४ बुँदे सहमति मध्ये २१ बुँदा जस्ताको जस्तै र तीन बुँदा परिभाषासहित पारित गरिएको छ । तरपनि डा. केसीले नेकपा अध्यक्षद्धय केपी शर्मा ओली र पुष्पकमल दाहाल प्रचण्डबिरुद्ध अराजक अभिब्यक्ति दिँदै अनशन सुरु गरेका छन् ।
डा. केसीको अनशन राष्ट्रलाई सफल भन्दा असफल बनाउनेतिर केन्द्रीत भएको ठहर नेता भट्टराईले गरेका छन् । ‘असफल राष्ट्र बनाएर आफ्नो स्वार्थको रोटी सेक्न चाहनेहरुले नेपालको लोकतान्त्रिक गणतन्त्र र दुई ठुला पार्टीको एकीकरणलाई रुचाएका छैनन्’, भटु्टराईले सामाजिक सञ्जालमा लेखेका छन् ‘एमाले र माओवादी बीचको पार्टी एकता र बहुमतको कम्युनिस्ट सरकारले राष्ट्र असफल बनाउने तत्वलाई रिँगटा नै छुटेको छ ।
आफ्नो करतुत लुकाउन अनि समाजमा अराजकता मच्चाउन आफूले नसक्ने भएपछि सामाजिक प्रतिस्ठा कमाएका सिलेबल मानिस तिर उनिहरुले आँखा लगाए । हिम्मतिलो, हठी र मुढी स्वभाबका डा. गोबिन्द केसी उनिहरुको नजरमा परे । डा. केसीको सामाजिक ईज्जत, प्रतिस्ठा र भबिस्यका बारेमा उनिहरुलाई कुनै चिन्ता छैन् । छ त केवल डा केसीलाई दाउमा राखेर अराजकता मच्चाउने षड्यन्त्र ।’
नेता भट्टराई जस्तै वरिष्ठ कानुनबिद् युवराज संग्रौलाले पनि केही तत्व देशलाई असफल बनाउन सक्रिय भएको बताएका छन् । ‘केसीले ऐनमा लेखेको कुरा नै बुझेनन्, चिकित्सा शिक्षा राजनीतिक ब्यापार बनाउने खोज्नेको गोटी बने’, संग्रौलाले भने । संग्रौलाले चिकित्सा शिक्षा ऐनको ब्यापक बहस र छलफल गर्न सरकार र केसी तयार हुनुपर्ने धारणा राखेका छन् ।
नेता भट्टराईले डा.केसीलाई गुमराहमा राखेर फेरी अनसन बसालेको बताएका छन् ।
चिकित्सा शिक्षा बिधेयक बहाना मात्र थियो भएको बताउँदै नेता भट्टराईले अनसन बस्नुअधि प्रधानमन्त्री केपी शर्मा ओली, अध्यक्ष प्रचण्डसहितका नेकपा नेतामाथी केसीका मूखबाट तुच्छ र घटीया शब्द बग्न लगाएको बताए । ‘यो नेपाल राष्ट्र, जनता र नेकपा बिरुद्धको सुनियोजित प्रपन्च हो भन्ने कुरा नेकपाका सबै सदस्यहरुले बुझ्नु जरुरी छ ।’
