बलिउडमा फेरि अर्का महान हस्तिलाई क्यान्सर भएकाे खुलासा !!

हाम्रो इकोनोमि

 

बलिउड फिल्म निर्माता राकेश रोशनलाई क्यान्सर भएको पत्ता लागेको छ ।

उनका छोरा एवं बलिउड अभिनेता ऋतिक रोशनले यसबारे पुष्टि गरेका छन् ।

ऋतिकले सोसल मिडियामार्फत राकेशलाई Squamous Cell Carcinoma भएको जानकारी दिए ।

यसलाई बोलीचालीको भाषामा छालाको क्यान्सर भनिन्छ ।

क्यान्सरको पहिलो स्टेजमा नै रोगबारे पत्ता लागेको उनले बताए ।

यो यस्तो रोग हो जसका कारण छालामा अनावश्यक कोसिकाको वृद्धि हुनथाल्छ ।

 

ऋतिकले दुई घण्टाअघि आफ्नो इन्स्टाग्राम अकाउन्टमा बुवा राकेशसँगको जिमको तस्बिर पोष्ट गर्दै उनको निकै तारिफ गरेका छन् ।

यसमा उनले लेखेका छन्, ‘मैले आज बिहान बुवालाई व्यायामका लागि सोधें, मलाई थाहा थियो कि उनी शल्यक्रियाको दिन पनि व्यायाम गर्न छोड्ने छैनन् ।

केही हप्ताअघि मात्रै Squamous Cell Carcinoma बारे पत्ता लाग्यो ।

आज उनी आफ्नो युद्ध लड्नेछन् ।

हामी भाग्यमानी छौं कि हाम्रो परिवारले तपाईंजस्तो अग्रणी व्यक्ति पायौं ।’

राकेश रोशन आजकाल कृष ४ को तयारीमा जुटेका छन् ।

यो फिल्ममा राकेश रोशन पुनः एकपटक आफ्नो छोरासँग काम गर्नेछन् । यो फिल्मको यसअघिको सबै सिरिज निकै हिट रह्यो ।