नेकपाका नेता सुर्य थापाले रेशम चौधरीलाई दिए यस्तो बधाई
नेकपाका नेता सुर्य थापाले रेशम चौधरीलाई फेसबुक मार्फत बधाई दिएका छन । उनले माननीय रेशम चौधरीलाई ३३ कोटी देवताहरूको यस बसोबास्थलमा हार्दिक बधाई भनेका छन ।
हेर्नुहोस नेता थापाको बधाई
माननीय रेशम चाैधरीलाई ३३ काेटी देवताहरूकाे यस बसाेबास्थलमा हार्दिक बधाई :
प्रतिनिधिसभाका सभामुखले संविधान र कानुनबमाेजिम नै यहाँलाई पद तथा गाेपनियताकाे सफथ गराउनुभएकाे विश्वास छ । उम्मेदवारी दिंदा निर्वाचन आयोगले कानुनबमाेजिम नै याेग्य स्वीकार गरेर दर्ता गरेकाे थियाे हाेला ! मतदाताले कानुनबमाेजिम दर्ता भएर अन्तिम नामावली सार्वजनिक तथा मतपत्रमा दिएकै चुनावचिन्हमा ३४ हजारभन्दा बढी मत दिएर विजयी गराएका हाेलान् । विजयी भएकाे परिणाम कानुनबमाेजिम गणना र घाेषणा भएकाे नै हाेला । अदालतले पनि यहाँले गरेकाे कामकै सप्रमाण जेल चलान गरेकाे हाेला ।
निर्वाचित सांसद जेलमा रहेकाे अवस्था हुनाले १ बर्षपछि भए पनि जेलबाट सिहदरबार ल्याई सभामुखले कृपापूर्वक सपथ गराउनुभएकाे हाेला । यस्ताे घमाइलाे यथार्थ हुँदाहुँदै यहाँकाे जहिलेसुकै विराेध र भर्त्सना गर्नेहरू याे धर्तीका भार हुन् ।
आफु टिकट पाउन, लिन र निर्वाचित हुनसम्म नसक्ने, एउटा साेझाे थारूकाे छाेराले गरेकाे कमाल देखिसहन नचाहने, डाह र जलनले ग्रस्त जाेसुकै व्यक्तिहरूकाे विराेधले केही लछार्पाटाे लाउनसक्नेवाला छैन !? तिर्खा लाग्याे पानी खाएँ, मैले के बिराएँ भन्ने गीत सुन्नु नि विराेध गरेर समय खेर फाल्नुभन्दा ! तर विराेधले केही हुदैन । सरकारले चाह्याे, सभामुखले सपथ गराउनु भयाे, मैले सपथ गरें !
आन्दोलनमा मान्छे कहाँ मरेका छैनन् ? युद्दमा निर्दाेषकाे ज्यान कहिले गएन ? पटमूर्खहरू निर्दाेषकाे संझना गरेर अनावश्यक रूवावासी गरिरहेछन ! एक जननिर्वाचित सांसदलाई कारागारमुक्त गर्न माग गरेकाे बरू न्यायाेचित, सही र सामयिक कदम हुन्थ्याे, हगि ???
