बेनेलीले नेपाल ल्यायो सस्तो बाइक ‘टीएनटी-१५’, यस्तो छ मूल्य

 

काठमाडौं । केटीएम इन्टरनेशनल ट्रेडिङले नेपाली बजारमा बेनेलीको सबैभन्दा सस्तो बाइक टीएनटी-१५० सार्वजनिक गर्ने तयारी गरेको छ । कम्पनीले नयाँ मोडलको यो बाइकलाई दुई भेरियन्टमा  सार्वजनिक गर्ने जनाएको छ ।

 

इटालीयन चर्चित बाइक बेनेली टीएनटी-१५ किन्न चाहने ग्राहकले अबको केही दिनभित्रै यो बाइक किन्न सक्नेछन् । यसको आधिकारीक बिक्री यही जनवरीमा गर्ने केटीएम इन्टरनेशनलले जानकारी दिएको छ ।

 

मूल्यका हिसाबले सस्तो रहेको यो बाइक फिचरका हिसावले फुल लोडेड रहेको छ । बाइकमा अल डिजीटल इन्स्ट्रुमेन्ट क्लस्टर रहेको छ भने दुवै चक्कामा डिस्क ब्रेक दिइएको छ ।

नेपाली बजारमा टीएनटी-१५ रातो, कालो र सेतो गरी तीन कलर भेरियन्टमा उपलब्ध हुने छ । यस बाइकको तौल १४० केजी रहेको छ ।

 

बेनेली टीएनटी-१५ मा १४८ सीसी, एयर कुल्ड सिंगल सिलिन्डर इन्जिन दिइएको छ । उक्त इन्जिनले ८५०० आरपीएममा १२.०६ बीएचपी पावर उत्पादन गर्छ । यस बाइकको इन्जिनमा ५-स्पीड म्यानुयल गियरबक्स जडान गरिएको छ । बाइकमा १६ लिटर क्षमताको फ्यूल ट्यांक दिइएको छ ।

 

यस बाइकको टप स्पीड क्षमता १३० किलोमिटर प्रतिघन्टा रहेको छ भने यसले ४५ देखि ५० किलोमिटर प्रतिलिटर माइलेज दिन्छ । यसको नेपाली बजारमा मूल्य २ लाख ३० हजार रुपैयाँ तोकिएको छ ।

 

साथै, कम्पनीले टीएनटी-१५० आईपनि सार्वजनिक गर्न लागेको छ । यी दुबै बाइकलाई एकै दिन सार्वजनिक गर्ने कम्पनी स्रोतले मेरोअटोलाई बतायो । १४९.५ सीसी क्षमताको यो बाइकले १४ बीएचपी पावर उत्पादन गर्छ । यसको नेपाली बजारमा मूल्य ३ लाख २० हजार रुपैयाँ तोकिएको कम्पनीले जनाएको छ ।

 

यी हुन्, २०१९ मा भारतमा उत्पादन हुने इलेक्ट्रीक कार

अन्तर्राष्ट्रिय अटोमोबाइल क्षेत्रको ध्यान यतिबेला विद्युतीय सवारी साधनको उत्पादनमा केन्द्रित भएको छ । क्रमिक रुपमा विस्तार भैरहेको नेपाली बजारमा समेत विद्युतीय सवारी साधनको माग बढिरहेको देखिन्छ ।

 

अटोमोबाइल्स क्षेत्रमा निक्कै अब्बल बनेको भारत संसारकै चारवटा ठूला कार उत्पादक तथा प्रयोगकर्ता भएको देश हो । अहिले यी सबै कम्पनीहरु नयाँ योजनाका साथ, इलेक्ट्रीक कार उत्पादनमा केन्द्रित भएका छन् ।

नयाँ वर्ष २०१९को सुरुवातसँगै अटोकम्पनीहरुले नयाँ उत्पादनको योजना बनाइसकेका छन् । भारत सरकारले सन् २०२० अप्रिल एकबाट नयाँ इमिशन मापदन्ड तथा २०१९ अप्रिल एकबाट नयाँ सुरक्षा नीति कार्यन्वयन गर्ने तयारी गरेसँगै कम्पनीले आफ्नो उत्पादनलाई शिराबाट अगाडि बढ्ने लक्ष्य लिएका छन् ।

यो वर्ष बजारमा आउने ह्याचब्याक, सेडान, एसयुभी तथा प्रिमियम मोडल यस प्रकार रहेका छन् ।

 

रेनो क्वीड इभी 

रेनो कम्पनीले चिनीयाँ बजारका लागि निर्माण गरिरहेको क्वीड इभी भारतीय र नेपाली बजारमा समेत बिक्री वितरण गर्ने भएको छ । कम्पनीले यही वर्षबाट बिक्री सुरु गर्ने भएको यो ह्याचब्याक कम्पनीकोे निक्कै प्रतिक्षित कार हो ।

 

महिन्द्रा केयुभी १००

महिन्द्राले यही वर्ष इलेक्ट्रीक कार केयुभी १०० बजारमा ल्याउने तयारी गरेको छ । महिन्द्रा ईटुओ तथा ई–भेरिटो पश्चात् कम्पनीले यो मोडल बजारमा ल्याउने भएको हो । कम्पनीले यो मोडललाई २०१८ मा आयोजित अटो एक्स्पोमा समेत प्रदर्शन गरेको थियो  ।

 

महिन्द्रा एक्सयुभी ५०० ईभी 

महिन्द्राले सार्वजनिक गर्ने भएको अर्काे इभी एक्सयुभी ५०० पनि यही वर्ष बजारमा आउने छ । एसयूभी सेग्मेन्टमा महिन्द्रको पहिलो इलेक्ट्रीक गाडी बन्ने यो निकै प्रिमियम गाडी हुनेछ ।

 

टाटा टियागो इभी

साथै टाटा मोटर्सले चर्चित ह्याचब्याक टियागोको इलेक्ट्रीक भर्सन सार्वजनिक गर्ने तयारी गरेको छ । यसमा ८५ किलोवाटको इलेक्ट्रीक मोटर लगाइएको छ, यसले २०० एनएम टर्क जेनेरेट गर्नेछ । यसको टप स्पीड क्षमता १३५ किलोमिटर प्रतिघन्टा रहेको छ ।