आर्यानले लुकाएको लुक्स स्वस्तिमाले सार्वजनिक गरिन्
फिल्म ‘हजार जुनीसम्म’ मा नायक आर्यान सिक्देल नयाँ लुक्समा प्रस्तुत हुँदैछन् ।
यो नयाँ लुक्स आर्यानले निकै मिहेनत गरेर बनाएका हुन् ।
त्यसैले उनले आफ्नो नयाँ लुक्सलाई लुकाएर राखेका थिए ।
तर आर्यनले लुकाएको लुक्स फिल्मकै नायिका स्वस्तिमा खड्काले सार्वजनिक गरिदिएकी छन् ।
आइतबार आफ्नो इन्स्टा स्टोरीमा स्वस्तिमाले आर्यनको उक्त लुक्स सार्वजनिक गरेकी हुन् ।
स्वस्तिमाको स्टोरीबाट आर्यनको लुक्स बाहिरिएको खबर यतिबेला अनलाइन मिडियामा छाइरहेको छ।
आर्यन यस अवतारमा फुलेको कपाल र दाह्री छमा छन् ।
फिल्म ‘हजार जुनीसम्म’ मा आर्यान स्वस्तिमाको बाबुको भुमिका निभाउँदै छन् ।
उसो त आर्यनले फिल्म ‘होमर्वक मा वृद्ध अवस्थाको भूमिका निभाइसकेका छन् ।
विकास राज आचार्यको निर्देशन रहेको फिल्म ‘हजार जुनी सम्म’ मा आर्यन र स्वस्तिमा सँगै अभिनेत्री निरुता सिंह, नायक सलोन बस्नेत लगायतको अभिनय रहेको छ ।
फिल्मको यतिबेला छायाँकन चल्दैछ ।
फिल्ममा निर्देशक दिपाश्री निरौलाले पनि एक गीतमा नृत्य प्रस्तुत गरेकी छन् ।
