ग्यास विष्फोटमा कम्तीमा चारको मृत्यु, ४० बेपत्ता, ४८ फ्ल्याट ध्वस्त
रुसको मध्य क्षेत्रमा रहेको एक भवनमा ग्यास लिग भएर विष्फोट हुँदा कम्तिमा चार जनाको मृत्यु भएको छ । उरल प्रान्तको शहर मग्नितागोस्र्कमा भवनमा भएको बिस्फोटमा ४० जना हराइरहेको स्थानीय अधिकारीलाई उधृत गर्दै बीबीसीले उल्लेख गरेको छ ।
विष्फोटका कारण भवनका ४८ वटा फ्ल्याटहरु ध्वस्त भएका छन् । १२० जनाको बसोबास रहेको भवनमा अज्ञातहरुको अवस्था खुल्न सकेको छैन । बेपत्ताहरुको खोजी तथा उद्धारको काम भइरहेको स्थानीय अधिकारीले जनाएका छन् ।
कम्तिमा १६ जनालाई सकुशल उद्धार गरिएको जनाइएको छ । रुसी राष्ट्रपति भ्लादिमिर पुटिन घटनास्थल पुगेर निरीक्षण गरेका छन् ।
