विवाहको कार्डसमेत छापियो तर विवाह हुन सकेन,५३ बर्षिय खानको यस्तो छ लभ स्टोरी
बलिउड स्टार सलमान खानले २७ डिसेम्बरमा आफ्नो ५३ औं जन्मदिन मनाउँदैछन् ।
५३ बर्षको लाग्दासम्म पनि उनले विवाह गरेका छैनन् ।
विवाह नगरेपनि उनको नाम कुनै न कुनै महिलसंग भने जोडिनै रहन्छ ।
आजकाल सलमान रोमानियाकी मोडल एवं कार्यक्रम प्रस्तोता युलिया भन्तुरलाई डेट गरिरहेको बताइन्छ ।
युलिया अघि सलमानसंग नाम कस कसको जोडिए त ?
संगीता बिजलानीः सलमानको जीवनमा जति पनि महिला आए तीमध्ये संगीता बिजलानीसँग मात्र विवाहको कुरा चल्यो ।
संगीतासँग सलमानको विवाहको कार्डसमेत छापिएको बताइन्छ ।
सन् १९९४ मा हुने भनिएको यो विवाहको तयारीका बीच संगीतालाई सलमानको अफेयरबारे थाहा भएपछि दुबैले भिन्न बाटो रोजेको भारतीय समाचार एजेन्सीले बताउने गरेका छन् ।
यी दुईबीच अहिलेसम्म पनि साथीको सम्बन्ध भने कायमै छ ।
सोमी अलीः सलमान सोमी अलीसँगको सम्बन्धमा पनि निकै सिरियस छन् भन्ने खबर आएको थियो ।
सोमीले १९ वर्षको उमेरमा बलिउडमा डेब्यू गरेकी थिइन् ।
भारतीय मिडियाका अनुसार सोमीको सुन्दरतामा सलमान फिदा त थिए नै उनी सोमीमाथि अधिकारसमेत जमाउँथे ।
दुबैले करिब ६ वर्ष डेट गरेपछि भिन्न बाटो रोजे ।
त्यसपछि सोमी सबैकुरा छोडेर पाकिस्तान फिर्ता भइन् ।
ऐश्वर्या रायः सलमानको नाम विश्व सुन्दरी ऐश्वर्या रायसँग जोडियो ।
फिल्म ‘हम दिल दे चुके सनम’ बाट उनीहरुबीच प्रेम सम्बन्ध रह्यो ।
यद्यपी, सलमानले ऐश्वर्यामाथि अत्यधिक अधिकार जमाउने बानीले सम्बन्धमा समस्या निम्त्यायो र दुबैको सम्बन्ध टुट्यो ।
ऐश्वर्याले सलमानमाथि हात उठाएको समेत आरोप लगाइन् ।
ब्रेकअपपछि सलमान ऐश्वर्याको घरमा समेत गएको जसका कारण नायिकाले पुलिसलाई समेत बोलाउनु परेको बताइन्छ
। तर, सलमान अहिले पनि यो कुरालाई ठाडो अस्विकार गर्छन् ।
स्नेहा उल्लाल: फिल्म ‘लकी–नो टाइम फर लभ’ सन् २००५ मा जब रिलिज भयो तब सलमानले उनलाई कास्ट गर्नुको पछाडि भारतीय मिडियाले निकै अचम्मको कारण बताए ।
स्नेशाको अनुहार ऐश्वर्यासँग मिल्दोजुल्दो भएकाले फिल्मका साथै जीवनको हिस्सासमेत बनाउने कोसिस गरेको बताइयो ।
तर फिल्मका साथै उनीहरुको सम्बन्ध पनि केही दिनसम्म मात्र टिक्न सक्यो ।
कट्रिना कैफः सिरियस सम्बन्धको कुरा गर्नुपर्दा ऐश्वर्यापछि सलमान खान कट्रिनाको विषयमा पनि निकै गम्भीर भए ।
उनले कट्रिनालाई बलिउडमा स्थापित हुन सघाउनुका साथै उनलाई परिवारको सदस्यजस्तो व्यवहार गरे ।
खान परिवारलाई पनि कट्रिना निकै मनपर्दथ्यो ।
तर सलमान खानको त्यही पुरानो बानीले उनीहरुको सम्बन्ध पनि टुट्यो ।
सलमान कट्रिनामाथि विभिन्न प्रकारको रोक लगाउन थालेका कारण उनी आजित भएर ब्रेकअप दिएको बताइन्छ ।
जरिन खानः जसरी सलमानले ऐश्वर्यासँग मिल्दोजुल्दो अनुहारलाई बलिउडमा भित्र्याए त्यसरी नै कट्रिनासँग मिल्दोजुल्दो अनुहार भएको जरिन खानलाई पनि बलिउड गर्ल बनाउन जुटे ।
उनले जरिनलाई आफ्नो प्रोडक्शन हाउसको फिल्म ‘वीर’ मा मुख्य भुमिका दिइयो ।
तर स्नेहा उल्लालसँग जे भयो सलमान र जरिनको सम्बन्ध पनि टुक्रियो ।
न त फिल्म चल्यो न नै सम्बन्ध अघि बढ्न सक्यो । एजेन्सी
