सेतो कपडाले बेरेर आफ्नै घर लगियो रविकी आमाको शब यसरि गरिदैछ अन्त्येष्टि
८ वर्षको बाल्य अवस्थामा नै आफूलाई जन्मदिने आमा गुमाएका नेपाल आइडल सिजन–२ का विजेता रवि ओडले कर्मदिने आमा पनि गुमाएका छन् ।
नेपाल आइडल भएको खुसी राम्ररी बाँड्न नपाउँदै उनले कर्मदिने आमा गु माएका छन् ।
२०५४ साल मा कन्चनपुर जिल्लाको कृष्णपुर नगरपालिका गुलरियामा बुवा राजेन्द्र ओड र आमा उमा ओडकोे कोखबाट जन्मिएका रविले ८ वर्षको उमेरमै आमालाई गुमाएका थिए ।
नेपाल आइडल बनेपछि रवि सोमबार मात्रै धनगढी पुगेका थिए ।सोम बारदेखि सम्मान तथा ब धाई थाप्न व्यस्त रहेका रवि मंगलवार बिहान आफ्नो घर पुगेका थिए ।
घरपरिवार र आफन्तसँग करिव आधा घण्टा मात्रै विताएका रवि त्यसपछि कृष्णपुर नगरपालिका, वेदकोट नगरपालिका र भिमदत्त नगरपापिलिकाले आयोजना गरेको बधाई तथा सम्मान कार्यक्रममै व्यस्त थिए ।
मंगलवार महेन्द्रनगरमै बसेका रविले बिहान पनि विभिन्न बधाई तथा सम्मान कार्यक्रममा सहभागि भएर घर पुग्ने र दिउँसो काठमाण्डौँ फर्कर्ने कार्यतालिका थियो ।तर, जन्मदिने आमाको मृत्युपछि आमाको अभाव हुन नदिई पालनपोषण र हुर्काउने ४५ वर्षकी आमा विष्णादेवीलाई करेन्ट लागेको एक बिहानै खवर थाहा पाए ।
करेन्ट लागेर घाइते आमालाई उपचारका लागि धनगढी ल्याइयो ।
कञ्चनपुरमा रहेका रवि पनि अस्पतालका लागि हिँडे ।
उनले बाटैबाट अस्पतालका चिकित्सकलाई फोन गरेर आफू आइरहेको र जसरी भएपनि आफ्नी आमालाई बचाई दिन आग्रह गरेका थिए ।
रविले चिकित्सकलाई फोन गर्दा उनकी आमा विष्णाले संसार छोकिसके की थिइन् ।
अस्पताल पुग्नु अगाडि नै उनको मृत्यु भइसकेको चिकित्सकहरुले जानकारी दिएका छन् ।
विहान ७ बजे छिमेकीको पानी तान्ने मोटर चलाउने क्रममा करेन्ट लागेर घाइते भएकी विष्णादेवीलाई अत्तरीयामा उपचार हुन नसकेपछि धनगढीको सेती अञ्चल अस्पतालमा ल्याईएको थियो ।
सेती अञ्चल अस्पतालमा पु¥याएलगत्तै चिकित्सकले मृत घोषित गरेका थिए ।
मृतक विष्णको शवलाई अहिले घरमा लगिएको छ बुधवार नै गोदावरी घाटमा अन्त्येष्टि गरिने पारिवारिक स्रोतले जनाएको छ ।
रविका बुवा भने २५ वर्षदेखि भारतको गुजरातमा ‘वाचम्यान’ को काम गर्दै आएका थिए ।
उनी पनि बुधवार श्रीमतीको मृत्यु भएको खबरपछि नेपाल फर्कन थालेका छन् ।
करेन्टलागेपछि घाइते रहेकी उनलाई बिहान पौने ९ बजे सेती अञ्चल अस्पताल पुर्याइएलगत्तै चिकित्सकहरुले मृत घोषित गरेका थिए
नेपाल आइडल विजे ता बनेको खुशी साट्न नपाउँदै परिवारमा दुःखद घटना घटेको छ ।
