‘गोपी’ ट्रेलर रिलिज : गाईको दुधले नुहाउँदै बिपिन
सञ्चारकर्मी दिपेन्द्र लामाले निर्देशन गरेको फिल्म ‘गोपी’ को ट्रेलर सार्वजनिक भएको छ । बुधबार प्रेसमिट गर्दै फिल्मको ट्रेलर सार्वजनिक गरिएको हो ।
ट्रेलर हेर्नुस् :
वैदेशिक रोजगारी मोह त्यागेर गाई पालनमा लागेको युवाको कथा फिल्ममा देखाइएको छ ।
गाई पाल्दा किसानहरुले भोग्ने समस्यालाई ट्रेलरमा प्रस्तुत गरिएको छ ।
फिल्ममा अभिनेता विपिन कार्की गाई पालकको भूमिकामा रहेका छन् ।
फिल्ममा विपिन कार्कीसँगै वर्षा राउत र सुरक्षा पन्तको मुख्य भुमिका छ ।
यी सँगै फिल्ममा प्रकाश घिमिरे, रमेश अधिकारी, अंकित खड्का, भोला सापकोटा, कमलमणि नेपाल, कुन्ती सिमाली, हिउँबाला गौतम, सरोज अर्याल, केशव राई लगायत कलाकारहरुको अभिनय रहेको छ ।
आरोही इन्टरटेनमेन्टको ब्यानरमा बनेको फिल्ममा कार्यकारी निर्माता श्रीधर पौडेल रहेका छन् ।
निर्देशक लामाको कथामा पटकथा सामिप्यराज तिमल्सिनाले लेखेका छन् ।
गोविन्द राईको कोरियोग्राफी, शैलेन्द्र डि कार्कीको छायांकन, निमेष श्रेष्ठको सम्पादन रहेको छ ।
फिल्ममा विप्लव प्रतीक र बुद्धिसागरले लेखेका गीतलाई न्ह्यू बज्राचार्य, अर्जुन पोखरेल र कल्याण सिंहले कम्पोज गरेका छन् । पाश्र्व संगीत रोहित शाक्यको सुन्न सकिन्छ ।
फिल्म माघ १८ गते देखि रिलिज हुँदैछ ।
