रिमालले नै भट्टराईलाई मन्त्री बन्नबाट रोकेको खुलासा, के के कुरा लगाए ओलीलाई

 

नेपाल कम्युनिस्ट पार्टी (नेकपा)का स्थायी समिति सदस्य तथा सांसद योगेश भट्टराई र प्रधानमन्त्री खडगप्रसाद ओलीका प्रमुख राजनीतिक सल्लाहकार विष्णु रिमालबीच फेरि युद्ध शुरु भएको छ ।

 

प्रमुख राजनीतिक सल्लाहकार रिमालले भट्टराईविरुद्ध ओलीलाई कुरा लगाउने गरेको आरोप छ । त्यसपछि उनीहरूबीच विवाद बढन थालेको हो । रिमाललाई ओलीको सचिवालयबाट हटाउन दवाव बढिरहेका बेला भट्टराई र रिमालबीचको विवाद बाहिर आएको छ ।

 

तत्कालीन एमालेको भृकुटीमण्डपमा सम्पन्न महाधिवेशनका बेला रिमाल र भट्टराई सचिव पदमा प्रतिस्पर्धा गरेका थिए । भट्टराईले रिमाललाई सचिवमा नराम्रोसँग पराजित गरेका थिए ।

 

पराजित भएको झोँक अहिले पनि रिमालले भट्राईसँग लिने गरेको आरोप छ । स्थायी समिति सदस्य एवम् सांसद भट्टराइले रिमालले आफ्नाविरुद्ध बालुवाटारमा बसेर षड्यन्त्र गर्ने गरेको सार्वजनिक रुपमै आक्षेप लगाएका छन् । रिमाल पनि के कम भट्टराईले सरकारविरुद्ध अभिव्यक्ति दिएको भनेर कुरा लगाउने गरेको चर्चा छ ।

 

रिमालकै कारण भट्टराई सूचना तथा सञ्चार मन्त्री बन्न नसकेको अहिले पनि नेकपा भित्र वहस हुने गरेको छ । रिमाल जनताबाट अनुमोदित नेता होइनन् ।

 

रिमाललाई आफ्नै वडामा कुनै पनि पदमा विजयी हुन सक्दैनन् भनेर आरोप लाग्ने गरेको छ । भट्टराईमा ताप्लेजुङ जिल्लाबाट प्रतिनिधिसभामा विजयी भएपछि नयाँ उर्जा आएको छ । रिमाल भट्टराईलाई कुनै पनि हालतमा राम्रो जिम्मेवारीमा जान दिने पक्षमा छैनन् ।

 

पछिल्लो समय रिमाललाई ओलीको सचिवालयबाट हटाउन सकिन्छ कि भनेर भट्टराईले अभियान चलाएको रिमाल समूहको आरोप छ । तर, रिमाल समूहको आरोपको भट्टराईले सधै खण्डन गर्दै आएका छन् ।

 

अखिलको अध्यक्ष हुँदै एमालेको राजनीतिमा प्रवेश गरेका भट्राई रिमाल भन्दा लोकप्रिय नेता मानिन्छन् । रिमाल पनि मजदुर संगठनको अध्यक्ष बनेर एमालेको राजनीतिमा प्रवेश गरेका हुन् ।

 

रिमाललाई तल्लो तहका नेता तथा कार्यकर्ताले रुचाउँदैनन् । रिमालले आफ्नाविरुद्ध ओलीसँग धेरै कुरा लगाएर हैरान बनाएपछि भट्टराईले बालुवाटारको माटो नै खराब रहेको भनेर टिप्पणी गरेका छन् । भट्टराई बालुवाटारको नाम परिवर्तन गरेर अर्कै केही राख्नुपर्ने सुझाव दिन थालेका छन् ।

 

रिमालले पार्टीका नेता तथा कार्यकर्ताको हित भन्दा पनि व्यक्तिगत स्वार्थलाई ध्यान दिने गरेको आरोप छ । सानो कोटरी बनाएर रिमालले ओलीलाई जनसम्पर्क हुनबाट रोक्दै आएका छन् ।

 

नेकपाका नेता तथा कार्यकर्ताहरूलाई यो कुरा मन परेको छैन । ओलीसँग भेट्न पुग्ने नेता तथा कार्यकर्तालाई बिरामी रहेको बहाना बनाएर भेट गर्न नदिने गरेको कार्यकर्ताहरू नै बताउँछन् ।

 

नेकपा अमुक नेताको कम्पनी बन्नु हुँदैन – योगेश भट्टराई

नेपाल कम्युनिष्ट पार्टी (नेकपा) का प्रभावशाली युवा नेता योगेश भट्टराईले पार्टी अमुक नेताको कम्पनी बन्न नहुने बताएका छन् । संचारकर्मीसंग उनले कुनै पनि नेताको इशारामा पार्टी चल्नु गलत भएको बताए ।

 

उनले भने, ‘कुनै नेतालाई बलियो बनाउने होइन पार्टीलाई बलियो बनाउने हो ।’ आफू कुनै पनि गुटमा नरहेको भन्दै उनले पार्टीभित्र गुट उपगुट हुन नहुने बताए ।

 

राजधानीमा जारी स्थायी समिति बैठकमा पार्टी अध्यक्ष केपी शर्मा ओलीको चर्को आलोचना भइरहँदा भट्टराईले पनि यसमा समर्थन गरेका थिए । भट्टराईका अनुसार अहिलेसम्म बोल्ने १८ मध्ये १६ जनाले ओलीको राजनीतिक प्रस्तावको आलोचना गर्दै वामदेव गौतमले प्रस्तुत गरेको राजनीतिक प्रस्तावको समर्थन गरेका छन् ।

 

नेता भट्टराईले गुटबन्दीले पार्टीलाई कमजोर बनाउन खोजेको भन्दै गुटबन्दीको अन्त्य गर्नुपर्ने बताएका छन् । उनले स्थायी समिति बैठकमै पनि आफ्ना र अर्काका नेता बनाइएको भन्दै आलोचना गरेका थिए । उनले पार्टी एकताका नाममा फरक मत राख्ने नेता–कार्यकतालाई लखेटिएको भन्दै नेतृत्वले भविष्यमा चैनको निद्रा सुत्न नसक्ने टिप्पणी गरेका थिए ।

 

ओलीप्रति चर्को आलोचना गर्दै उनले भने, ‘एकताका नाममा एउटा विचार समूहका नेतालाई लखेट्ने, सिध्याउने काम गरिरहनुभएको छ। मान्छे त लखेट्नु होला तर ती मान्छेको भूतले सपनामा पनि लखेट्छ, चैनसँग सुत्न पाउनहुन्न ।

 

म महाधिवशेनवाट निर्वाचित पार्टी सचिव र प्रचार विभाग प्रमुख भएकाले मात्र अहिले यो कमिटीमा छु। तर यो स्थायी समिति एमालेको नेताहरूबाट छनौट हुने भएको भए सायद म यहाँ हुने थिइन ।’

 

पार्टीमा स्थायी समिति सदस्यहरुलाई समेत काम नदिएका ओली सरकार संचालनमा पनि उत्तिकै असफल हुँदै गएका छन् । उनको प्रवृत्तिप्रति नेकपाभित्रै चरम असन्तुष्टि छ ।