कांग्रेस महासमिति बैठकमा तनाव, केसीले बोल्दा प्रकाशसरणले माइक खोसे

 

नेपाली कांग्रेसको महासमितिको बैठकमा नेताहरुबीच माइक खोसाखोस भएको छ ।सहमहामन्त्री डा. प्रकाशसरण महत र नुवाकोट जिल्ला सभापति जगदिश्वरनरसिंह केसीबीच माइक खोसाखोस भएको हो । केसी मन्चमा गएर बोल्दाबोल्दै महत आएर माइक खोसेका थिए । त्यतिबेला केहीबेर तनाव देखिएको थियो ।

 

नेता केसीले भने, ‘महासमिति बैठक सुरु भएको आज चार दिन भयो तर, पार्टीको विधान अझै आएन । पहिले विधान चाहियो त्यसपछि मात्रै बैठक प्रारम्भ गर्नुपर्छ भनेर म मञ्चमा बोल्दै थिएँ तर, प्रकाशसरण महतजी आएर माइक खोस्नुभयो ।’दुई नेता बीचको माइक खोसाखोसका कारण होहल्ला भएपछि बैठक अहिले स्थगित गरिएको छ ।

 

केसीले महासमितिको बैठकको मुख्य विषय नै पार्टीको विधान संशोधन भएकाले विधान छिटो प्रस्तुत हुनुपर्ने बताए ।तर, नेताहरुबीच पदाधिकारीको संख्या कति राख्ने भन्नेमा विवाद भएकाले विधान अझै बैठकमा प्रस्तुत हुन सकेको छैन । विधान टुंगो लगाउने प्रयासमा सिंहदरबारस्थित पार्टी संसदीय दलको कार्यालयमा नेताहरुको बैठक बसे पनि सहमति जुटेको छैन ।

 

मंगलबार बिहान पनि देउवा पक्ष र पौडेल पक्षका नेताहरु छुट्टाछुट्टै बैठक बसेका थिए । तर, महासमिति बैठक स्थलमा महत र केसीबीचको विवाद भएको खबर पाएलगत्तै पार्टी सभापति शेरबहादुर देउवा महासमिति त्यता लागेका छन् ।

कार्यकर्ताले कुटन खोजेपछि हिन्दु धर्मको बिरोध गर्ने विमलेन्द्र निधि हलबाटै बेपत्ता

सिंहदरबारको गेटै अगाडिको एक पाटी प्यालेशमा नेपाली कांग्रेसको महासमिति बैठक चलिरहेको छ । शनिबार उदघाटन भएको सम्मेलनको सोमबार दोस्रो दिन हो ।

दोस्रो दिन विभिन्न प्रतिवेदनहरू प्रस्तुत गर्ने र बन्दसत्रमा त्यसमा छलफल हुने कार्यक्रम थियो ।

 

बिहान निर्धारित समयमै सबैजना महासमिति सदस्य तथा केन्द्रीय नेताहरू उपस्थित भैसकेका थिए । तर पनि त्यहाँ एकजना मानिसको अनुपस्थितिको विषयलाई लिएर सहभागीहरूबीच कानेखुसी चल्यो ।

 

दोस्रो दिनको निर्धारित कार्यक्रम शुरु भएको केही घन्टासम्म पनि कांग्रेस उपसभापति विमलेन्द्र निधि उपस्थित भएको नदेखिएपछि महासमिति सदस्यहरूले एकअर्काेलाई खोजीरहेका थिए । तर उनीहरूले आफ्नो पार्टीका उपसभापतिलाई भने दिनभर देख्न पाएनन् ।

 

केही सहभागीले त उपसभापति खोइ भनेर प्रश्न पनि गरे । तर पनि त्यसको सुनुवाई मञ्चबाट भएन, त्यसको जवाफ पनि आएन ।

 

कहाँ गएका थिए त निधि ? यसको आधिकारिक जवाफ साँझसम्म पनि कसैले दिएनन् । सहभागीले उनलाई कार्यक्रमस्थलमा पाउँदा पनि पाएनन् । केही भन्दै थिए निधि हिजोदेखि नै नरमाइलो मुख लगाएका थिए । यसका कारण थिए विजयकुमार गच्छदार ।

 

गच्छदारको दमदार प्रस्तुति उदघाटन सत्रमा निकै राम्रो थियो । गच्छदारले दुई नेता (शेरबहादुर देउवा र रामचन्द्र पौडेल)लाई हात मिलाउन लगाएको कुरा सोमबारसम्मका सञ्चारमाध्यममा आएको छ । यसले निधिलाई टाउको दुखाई भएको चर्चा ।

 

निधिको शनिबारको सम्बोधन मन्तव्यको कुनै अर्थपूर्ण नभएको र सहभागीहरूले पनि कुनै टिप्पणी नगरेकाले उनी आइतबारदेखि नै ‘मुडअफ’मा छन । त्यसमा पनि शनिबार साँझ उनको राजनीतिक प्रतिवेदन आएपछि त निधिको आलोचना नै भएको छ । उनको प्रतिवेदनले कुनै पनि कुरा समेटेको थिएन । जसका कारण सहभागीहरूले पनि उनीमाथि दर्जनौँ प्रश्न उठाएका थिए ।

 

एकजनाले त निधि आफै सो प्रतिवेदन नलेखेर नरहरि आचार्यलाई लेख्न लगाएको सम्म भनेका थिए । प्रश्नका रुपमा यो कुरा नआएको भए पनि महासमिति सदस्यहरूको खासखुसमा यो कुरा सुनेका उनी यसैकारण पनि मुडअफ भएका थिए ।

 

यति ठूलो महासमिति बैठकमा उपसभापति जस्तो व्यक्तिले तयार पारेको राजनीतिक प्रतिवेदन यस्तो हल्का र कुनै मार्ग निर्देशकका रुपमा पनि नरहेको भन्दै महासमिति सदस्यहरुले सभाहलमै कडा विरोध गरेका छन ।

कतिले त यस्तो प्रतिवेदन केन्द्रीय समितिले किन पास गरेर ल्याएको हो भनेर चर्को स्वरमा पनि कराएका थिए ।

 

यता उनको यही प्रतिवेदनको निकै कडा आलोचना गर्दै नेकपाका नेता घनश्याम भुसालले आफू कांग्रेस पार्टीको राजनीति प्रतिवेदन पढेर निराश भएको र त्यो प्रतिवेदनमा कांग्रेसको राजनीतिक विचार र भोलीको दिशानिर्देश कसरी हुनसक्छ भनेर सञ्चारमाध्यममै दिएको अन्तर्वार्ताले निधिलाई झनै लाजमर्दाे बनाएको थियो ।

त्यो प्रतिवेदनलाई पनुर्लेखन गर्नुपर्ने भनी भुसालले भनेजस्तै अधिकांश महासमिति सदस्यहरूले पनि हिजो नै त्यो माग राखेका थिए ।

 

यो महासमिति बैठकमा निधिको उपस्थिति उपसभापतिको जस्तो नभएको धेरैको गुनासो छ । महासमिति बैठकको पूर्वसन्ध्यामा आयोजना गरिएको केन्द्रीय समिति बैठकमा नै उनले अनावश्यक विवाद गरेर हात हालाहातको परिस्थिति बनाएको र त्यसको बडो नकारात्मक प्रचार नेपाली मिडियामा भएकोले यसबाट बैठकमा सहभागी हुन आएका महासमिति सदस्यहरुलाई निराश बनाएको थियो ।

 

यस विषयमा किन प्रचार गराएको भनेर सभापति देउवाले पनि उनलाई हप्काएका थिए । अनि अर्काे भित्री कुरा के हो भने निधि कांग्रेसमा गच्छदार प्रवेश गराएकोमा त्यसै समयदेखि नै देउवासँग खुसी छैनन् ।

 

कांग्रेसमा गच्छदार आएपछि निधिले सार्वजनिक रुपमै आफ्ना विरुद्ध देउवाले सौता हालेको भनी सार्वजनिक रुपमा नै टिप्पणी गरेका थिए । उनको त्यो असन्तुष्टि यस पटकको यो बैठकमा स्पष्टै देखिएको छ । यो कुरा सभापति देउवाले पनि थाहा पाएका देउवा निकटस्थहरू बताउँछन् ।

हालैमात्र निधिले जनकपुरमा योगी आदित्यनाथको आगमनको विरोध गरेपछि पनि सभापति देउवाले पार्टीलाई किन विवादमा पारेको भनी उनलाई हप्काएका थिए । यी सबै असन्तुष्टिहरू उनले यसै पटकको यो बैठकमा पोखेका थिए ।