संसारकै धनी व्यक्तिको कम्पनीले सोनाक्षी सिन्हालाई ठग्यो ! यसरी खाइदियो १८ हजार
बलिउड अभिनेत्री सोनाक्षी सिन्हालाई आनलाइन शपिङ कम्पनीले ठगेको घटना सार्वजनिक भएको छ ।
अनलाइन शपिङ कम्पनी अमेजनले सोनाक्षीलाई ठगेको उनी आफैंले बताएकी हुन् ।
सोनाक्षीले केही दिनअघि अनलाइन शपिङ कम्पनी अमेजनमा १८ हजार भारतीय रुपैयाँ मूल्य पर्ने हेडफोन अर्डर गरेकी थिइन् ।
तर, जब उनीकहाँ सामान डेलिभरी भयो प्याकेटभित्रबाट फलामको टुक्रा निस्कियो ।
सोनाक्षीले आफूकहाँ डेलिभरी गरिएको पार्सलको तस्वीर आफ्नो अफिसियल ट्वीटरमा सार्वजनिक गरेकी छिन् ।
सोनाक्षीले ट्वीटमा लेखेकी छिन् ‘अमेजन, मैले तपाइँकहाँबाट आफ्नो लागि हेडफोन मगाएकी थिएँ ।
तर, यो हेर्नुहोस् मैले के पाएँ ।
पूर्ण रुपमा प्याक गरिएको र खोलिएको पनि छैन ।
हेर्दा पूरै परफेक्ट छ, तर बाहिरबाट मात्र ।
अनि तपाइँको ग्राहक सेवा केन्द्रले मद्दत पनि गर्न चाहँदैन जसका कारण स्थिति अझै खराब भएको छ ।
सोनाक्षीले ट्वीटमा ग्राहक सेवा केन्द्रले सहयोग गर्न पनि नचाहेको लेखेपछि अमेजनले तत्काल यसको जवाफ दिएको छ ।
‘ओहो, यो अमान्य हो ।
तपाइँको भर्खरैको शपिङ अनुभव र हाम्रो सहयोगी टिमसँग सम्पर्क गर्दाको अनुभवको लागि हामी माफी चाहन्छौं ।
कृपया आफ्नो जानकारी यहाँ शेयर गर्नुहोस् हामी तपाइँसँग सिधा सम्पर्क गर्नेछौं ।’
स्मरणीय छ अमेजन संसारका सबैभन्दा धनी व्यक्ति जेफ बेजोसको कम्पनी हो । बेजोस अहिले १३०.५ बिलियन डलर सम्पत्तिसहित संसारका सबैभन्दा धनी व्यक्तिको सूचीमा शीर्ष स्थानका छन् ।
