एसियाकै धनाढ्य अम्बानीको छोरीको बिवाह १५ अर्ब खर्च
एजेन्सी – एसियाकै धनाढ्य अर्बपति मुकेश र निता अम्बानीकी छोरी इशा र पिरामल ग्रुपका मालिक अलय पिरामकलका छोरा आनन्दको डिसेम्बर १२ मा बिहे हुँदैछ ।
भारतको मुम्बईमा बुधबार दुई धनाढ्य परिवारबीच वैवाहिक सम्बन्ध गासिँदैछ । अमेरिकी नेता हिलारी क्लिन्टनदेखि गायिका बियोन्सेसम्म सहभागी भएका यो बिहे भारतमा मात्र होइन अमेरिका, युरोप लगायतका देशमा पनि चर्चा भइरहेको छ ।
धनाढ्य मुकेशले छोरीको बिहेमा तीन लाख भारु पर्ने कार्ड बाँडेका थिए । अब हुने खर्चले इशा–आनन्दको बिहे संसारकै महँगो बिहे हुन सक्नेछ ।
अखबार ब्लुमवर्गलाई उद्धृत गर्दै टाइम डटकमले लेखेको छ– ‘भारतमा हुने यो बिहे विश्वकै महँगो बिहे हुने सम्भावना छ । यति धेरै खर्चिएको बिहेले क्रेजी–रिच एसियनलाई समेत मात दिने देखिएको छ ।’
यो भनाइलाई फिल्म क्रेजी रिच एसियनसँग दाँजिएको हो । गत अगस्टमा रिलिज भएको यो फिल्ममा एसियनहरूमा पैसा कमाएपछि कसरी देखावटी प्रवृत्ति हावी हुँदै जान्छ भन्ने देखाइएको छ । ब्लुमवर्गले अम्बानी परिवारको बिहेको तामझाम फिल्मको कथाभन्दा बढी देखिएको बताएको हो ।
तेल र दूरसञ्चार कारोबारीमा मुकेशले छोरीको बिहेमा दस करोड डलर खर्चिने बताइएको छ । यो भनेको झन्डै १५ अर्ब रुपैयाँ हो । यो जस्तै महँगो बिहे संसारमा ३७ वर्ष अगाडि भएको थियो । बेलायतका राजकुमार चार्ल्स र राजकुमारी डायनाको । त्यो बिहेमा भएको खर्च आजका भाउमा हिसाब गर्दा करिब ११ करोड डलर पुग्ने थियो ।
बिहेमा आउने पाहुनाका लागि कम्तीमा ५ वटा पाँचतारे होटल बुकिङ गरिएका छन् । उदयपुर विमानस्थलबाट बिहे स्थानसम्म जानै पाहुनाहरूले हेलिकप्टर चढ्नेछन् । कम्तीमा पनि साता दिनसम्म चल्ने यो बिहेका पाहुनाका निम्ति एक सय वटा हेलिकप्टर चार्टर गरिएको छ ।
बिहेको मुख्य कार्यक्रम अम्बानीकै घर एन्टिलियाु मा हुँदैछ । २७ तले यो घर विश्वकै महँगो घरमध्ये पर्छ । अम्बानीले यही वर्ष मात्रै एसियाका धनाढ्य अलिबाबाका मालिक ज्याक मालाई पछि पारेका थिए । अम्बानी परिवारमा यो पहिलो बिहे हो । मुकेश र निताका छोरी इशाका साथै दुई छोरा छन् ।
कुनै समयमा कुल्लीको काम गर्ने रजनीकान्त कसरी बने दक्षिण भारतीय सुपरस्टार ?
दक्षिण भारतीय फिल्मका सुपरस्टार रजनीकान्तको आज जन्मदिन परेको छ । रजनीकान्तको जन्म सन् १९५० डिसेम्बर १२ बैंङ्गलोरमा भएको थियो । फिल्म क्षेत्रबाट रजनीकान्तका नामले परिचित भएपनि उनको वास्तबिक नाम शिवाजी राव गायकवाड हो ।
रजीकान्तको जन्मदिनको अवसरमा आज हामी उनीसँग जोडिएका केही रोचक कुराबारे चर्चा गर्दैछौं ।रजनीकान्तको जन्म एउटा गरिब परिवारमा भएको थियो । उनका पिता रामोजी राव गायकवाड प्रहरीमा हवलदार थिए । रजनीकान्तका चारजना दाजु र दिदीमध्ये रजनीकान्त कान्छा थिए ।
उनकी आमाको मृत्युपछि रजनीकान्तको परिवारको हालत निकै नाजुक बन्दै गयो । त्यसपछि परिवार तथा आफ्नो दैनिक गुजाराका लागि रजनीकान्तले कुल्लीको काम सुरु गरे । त्यसपछि उनी बैंङ्गलोर बसमा कन्डक्टरको काम गर्न थाले ।
कामका साथसाथै अभिनयमा रुचि राख्ने रजनीकान्तले १९७३ मा मद्रास फिल्म संस्थानमा भर्ना भए र उनले अभिनयमा डिप्लोमा गरे । कुनै समय थोरै पैसाका लागि कहिले रेलवे स्टेशन त कहिले बस स्टेशनमा धक्का खाने रजनीकान्त पछि दक्षिण भारतीय फिल्ममा सबैभन्दा धेरै पारिश्रमिक लिने सुपरस्टार बने ।
रजनीकान्तको चेन्नईमा ठूलो बंगला छ जुन पाँचतारे होटल भन्दा कम देखिंदैन । यो घर बाहिरबाट जति सुन्दर छ इन्टेरियर डिजाइनका कारण भित्र पनि त्यतिकै सुन्दर छ । यो घर करोडौं मूल्य बराबरको छ । यसबाहेक भारतको पुनेमा पनि उनको आलीशान घर छ ।
रजनीकान्तले बलिउडमा फिल्म ‘मेरी अदालत, भगवान दाता, अन्धा कानून, चालबाज र दक्षिण भारतीय फिल्म ‘शिवाजी, काला, कबाली लगायत कयौं सुपरहिट फिल्ममा काम गरेका छन् । हालै उनी अभिनित फिल्म २.० ले पनि बक्सअफिसमा सफल व्यापार गरिरहेको छ । साथै उनले एउटा हलिउडकाे चलचित्रमा समेत अभिनय गरेका छन् जसकाे नाम ब्लडस्टाेन हाे ।
सिने जगतमा अनगिन्ती सुपरहिट फिल्म दिने रजनीकान्तलाइ सन् २००० मा पद्म भूषणद्वारा सम्मानित गरिएको थियो भने २०१४ मा ६ वटा तमिलनाडु स्टेट फिल्म अवार्डले सम्मान जसमध्ये ४ वटा पुरस्कार सर्वश्रेष्ठ अभिनेता र २ वटा स्पेशल अवार्ड्स फोर बेस्ट एक्टरका लागि थिए ।गरिएको थियो ।
