प्रधानमन्त्री ओलीको नियमित स्वस्थ्य परीक्षण, चिकित्सकले दिए यस्तो सुझाव
प्रधानमन्त्री केपी शर्मा ओलीले आज नियमित स्वास्थ्य परीक्षण गराउनु भएको छ । दसैलगत्तै अस्वरुथ भई एक साता लामोउपचारपछि निवास फर्कनु भएका प्रधानमन्त्री ओली आज दिउसो मनमोहन कार्डियोथोरासिस एण्ड ट्रान्सप्लान्ट भास्कुलर सेन्टर पुगी नियमित स्वास्थ्य परीक्षण गराउनु भएको छ ।
नेपाल कम्युनिष्ट पार्टी (नेकपा)का अध्यक्षसमेत रहनु भएका ओलीको स्वास्थ्य परीक्षण डा अरुण सायमी नेतृत्वको पुरानै चिकित्सक टोलीले गरेको थियो । चिकित्सकले प्रधानमन्त्री ओलीको स्वास्थ्य अवस्था पुर्ण रुपमा ठीक रहेको भएपनि उमेरको कारण अति दौडधुप नगर्न सुझाएको छ ।
मनमोहन सेन्टरमा स्वास्थ्य परीक्षण गराएर निवास फर्केलगत्तै उहाँले नेकपाका अध्यक्ष पुष्पकमल दाहालसँग छलफल गरिरहनु भएको छ । दुई नेताबीच पार्टीको एकता र सरकारको कामबारे छलफल भइरहेको हो ।
