फोरमभित्र चर्कियो विवाद : रेणु यादवलाई कारवाही गरिने

 

उप प्रधानमन्त्री समेत हात पारेर दुईतिहाइको शक्तिशाली वाम सरकारमा सहभागी भएको संघीय समाजवादी फोरम नेपाल सत्तामा भएसँगै एकजना पदाधिकारीका कारण तनावमा रहेको स्रोत बताउछ । पार्टीको केन्द्रीय उपाध्यक्षका साथै राजनीतिक पहुँचका आधारमा पनि निकै शक्तिशाली मानिने रेणु यादवका कारण फोरमभित्र यतिबेला तनाब उत्पन्न भएको स्रोत बताउछ ।

 

रेणु यादवले कुनै बेला अध्यक्ष उपेन्द्र यादवको धेरै नै निकट भएर काम गरेकी थिइन । त्यसै कारण मन्त्री समेत भएकी थिइन । मन्त्री हु“दा रेणुले गरेको अनियमित काम अध्यक्ष यादव चुपचाप बसेर साथ दिने गरेका थिए । तर, अहिले परिस्थिति फेरिएको छ र रेणुलाई कारबाही गर्नुपर्ने माग बलियो बन्दै गएको छ ।

 

पार्टीको महासचिव रामसहाय यादव नै कारबाही गर्नुपर्ने लाइनमा उभिएपछि अध्यक्ष यादव अफठ्यारोमा परेका हुन् । अहिले अध्यक्ष उपेन्द्र यादव, उपाध्यक्ष रेणु यादव र महासचिव रामसहाय यादव अर्थात् तीन यादवबीचको रोचक भीडन्त देखिएको छ फोरमभित्र ।

हुन त, रेणु यादवलाई तीनवटा जिम्मेवारी छ पार्टीको । पार्टीको केन्द्रीय उपाध्यक्षसहित प्रदेश–२ को पाटी समितिको अध्यक्ष तथा इन्चार्ज छिन् । फोरमभित्र प्रदेश समितिको अध्यक्ष र इञ्चार्ज एउटै व्यक्ति हुनु हुदैन भनेर विरोध रहेको छ । त्यसले थप समस्या ल्याएको छ । स्रोतका अनुसार, अध्यक्ष उपेन्द्र यादव पक्षधर पार्टीका पदाधिकारीहरु रेणुलाई कारबाही गर्ने पक्षमा रहेका छन् ।

 

त्यही स्थिति देखिएपछि रेणुले केही समय पहिलाको बैठकमा राजीनामा पनि दिएकी थिइन सबै पदबाट । तर, पार्टीले स्वीकार गरेन । यद्यपि उनले पाएको जिम्मेवारीमा भने हेरफेर गर्ने तयारीमा रहेको बताइन्छ । स्रोतका अनुसार, पदाधिकारीमा वरिष्ठ नेता अशोक राई र सहअध्यक्ष राजेन्द्र श्रेष्ठको टोली अहिले केही बोलेका छैनन् । तर, अन्य मधेशी समूहका नेताहरु दुईधारमा विभाजित भएका छन् ।

 

यद्यपि राजविराज क्षेत्रमा पनि रेणुको खासै प्रभाव भने देखिएको छैन । प्रदेश–२ को समितिका सचिव शम्भु झा नै रेणुको विपक्षमा देखिएका छन् । स्रोतका अनुसार, महासचिव यादवसहितको टोली भने कुनै पनि हालतमा प्रदेश–२ को समितिको अध्यक्ष र इञ्चार्जमध्ये एउटा पदबाट हटाउन चाहिं भोलि २०७५ मंसिर २० गतेबाट बस्ने केन्द्रीय समितिको बैठकले निणर्य गर्ने बताइएको छ ।

 

तरुनीका कारण तनाब खेप्दै तीन भाई मन्त्री,गोकर्णलाई पुजाले यसरी सताउने,अरु क को परे च्याखेमा

महिलाहरुसँग जोडिदा धेरै व्यक्ति फन्दामा परेका छन् । यस्तै लफडामा फस्दै छन् गोकर्ण विष्ट । जसरी बालिका खड्काका कारण अहिले प्रदेश नम्बर एकका मुख्यमन्त्री शेरधन राईलार्ई बदनाम गराउदैछिन् । संगीता अधिकारीका कारण पूर्व रक्षामन्त्री भिमसेन दास प्रधान बदनामी कमाउदै छन् । ठीक उही ढंगले एक जना महिलासँग नाम जोडिदा अहिले चर्चा कमाइरहेका श्रममन्त्री गोकर्ण विष्ट बदनाम बन्न पुगेका छन् ।

 

मलेसिया कामदार पठाउन नै रोकेर भीएलएन, बायोमेट्रिकको बार्षिक ४ अर्ब रुपैयाँको ब्यापार हत्याउने खेलमा लागेका पूजा चन्द ठकुरीको डिजाइनमा मन्त्री फसेको आरोप लाग्न थालेको छ । र मन्त्री विष्टलाई बदनाम गराउने अरु कोही नभई विद्युत प्राधिकरणको पूर्वप्रमुख कीर्तिचन्द ठकुरीकी छोरी हुन् उनी । यिनी यस्तो खेलाडी कि दुई तिहाई बहुमत प्राप्त सरकारलाई समेत बदनाम गराउदै छिन् ।

 

भीएलएन र बायोमेट्रिकजस्ता दलाली गर्ने र नेपाली श्रमिकलाई चुस्ने कम्पनी त खारेज भए तर अहिले यो कामको प्रवन्ध उनै पूजालाई दिने गरी गोकर्ण विष्टले प्रबन्ध मिलाउन खोजिरहेका छन् । यस्मा पूजा चन्द मात्र होइन होइन उपराष्टपति नन्द बहादुर पुनका पुत्र दिपेश समेत मुछिएका छन् । प्रहरीले पक्राउ गरेर अनुसन्धान गर्दा भीएलएनका राम श्रेष्ठले १ अर्ब ८३ करोड बराबरको कारोबार गरेको देखिएको थियो । त्यही ठगी बिजनेस अहिले अर्को ‘बिचौलिया’ समूहलाई दिलाउन दिपेश हात धोएर लागि परेका छन् ।

 

यता यो संस्था हत्याउन पूजाले भेन्डर नामक संस्था संचालन गर्दै आएका ब्यक्तिलाई हटाएर बायोमेट्रिक, भीएलएन, आइएससी जस्ता संस्था आफ्नो हातमा पार्न श्रममन्त्री र मन्त्रालयका कर्मचारीलाई आफ्नो पक्षमा पार्ने धुनमा लागेकी छिन् ।

 

यी तिनै महिला हुन् जस्ले केही बर्ष अगाडि उनीविरुद्ध समाचार लेखेकै कारण एक दैनिकको पत्रकारको जागिर खाइदिएकी थिईन । दैनिक पत्रिकामा पूजा चन्द ठकुरीका काला कर्तुतहरुका विषयमा समाचार लेख्दा दैनिकमा कार्यरत ती पत्रकारले राजीनामा नै बुझाएर हिड्नु परेको थियो ।

 

अहिले तिनै पूजा पत्रकार,सम्पादकदेखि उच्च तहका प्रशासक, प्रहरी अधिकृतदेखि मन्त्रीसम्मलाई मलेसिया रोजगारीसँग सम्वन्धीत ‘भेन्डर’ संस्था हत्याउन लागि परेकी छिन् । बायोमेट्रिक, भीएलएन, आइएससी जस्ता राम्रो आर्थिक स्रोत भएका संस्था हत्याउन श्रममन्त्री गोकर्ण बिष्टको पहुँचमा पुग्न लागेकी हुन् ।

 

बेलैमा मन्त्री विष्टले यस्ता व्यक्तिलाई नचिन्ने हो भने उनले हटाएको मलेसियाको सिण्डिकेट पनि भौतिक योजना मन्त्री रघुबीर महासेठले हटाएको भनिएको यातायातको सिण्डिकेट झैं नहोला भन्न सकिन्न ।

 

यता जति नै ठूला कुरा गरे पनि हाम्रो अर्थतन्त्रलाई टिकाउने मुख्य पाटो भनेकै रेमिट्यान्स हो । नेपाल–मलेसिया श्रम सम्झौता भएको महिना दिनभन्दा बढीभइसक्यो । यो बीचमा १० हजारभन्दा बढी नेपाली श्रमिक भिसा लगाएरु बसेका छन् । तर उनीहरु मलेसिया उड्न पाइरहेका छैनन् । उता यो बीचमा मलेसिया रोजगार बन्द हुँदा नेपालले १० अर्ब ५० करोड रेमिट्यान्स गुमाएको तथ्यांक सार्वजनिक भएको छ ।