‘निर्मला र श्रृखंलालाई तुलना नगरौं’ : करिश्मा मानन्धर
यतिबेला सामाजिक सञ्जालमा दुई वटा अभियान चलिरहेको छ ।
पहिलो बलात्कार पछि हत्या गरिएकी निर्मला पन्तलाई न्याय देऊ ।
अर्को विश्व सुन्दरी प्रतियोगीतमा नेपालबाट प्रतिनिधित्व गरिरहेकी अर्का श्रृखंला खतिवडालाई भोट गरौं ।
निर्मला र श्रृखंलाको यो अभिनयालाई जोडेर विभिन्न खाले टिकाटिप्पणी भैरहेका छन् ।
यस्तैमा नयाँ शत्तिकी सदस्य समेत रहेकी अभिनेत्री करिश्मा मानन्धरले आफ्नो राय राखेकी छन् ।
निर्मला र श्रृखंलाको अभियानलाई एकै ठाउँमा राखेर जोड्दा आफुलाई चित्त नबुझेको करिश्माको भनाई छ ।
शनिबार सम्पन्न कामना अवार्डमा सहभागी हुने क्रममा करिश्माले भनिन्, ‘सामाजिक सञ्जालमा श्रृखंला र निर्मला पन्तको कुरा जोडेको देखें ।
यी दुई कुरा अलग अलग हो । एउटा न्यायको लागि लडिरहेको छ भने अर्का सफलता प्राप्तिको लागि ।
नेपालको नाम र इज्जतको लागि लडिरहेको छ ।
यसलाई तुलना गर्नै मिल्दैन ।’
उनले थप्दै भनिन्, ‘हामीलाई निर्मलाले न्याय पाएको पनि हेर्न मन छ र श्रृखंलाले मिस वल्र्ड जितेको हेर्न पनि मन छ ।
यसलाई तुलना नगर्नको लागि सम्पुर्ण नेपालीहरुलाई अनुरोध गर्दछु ।’
