‘मिस नेपाल–२०१८’ श्रृंखला खतिवडा ‘मिस वर्ल्ड–२०१८’को भोटिङमा एक नम्बरमा कायम छिन् । भोटिङका लागि दिएको समय सकिनै लाग्दा श्रृंखला प्रतिस्पर्धीभन्दा निकै अगाडि छिन् ।

‘मिस वर्ल्ड–२०१८’को फाइनल यही मंसिर २२ गते चीनको सान्यामा हुनेछ । प्रतियोगिका विभिन्न चरणमध्ये अहिले भोटिङ भइरहेको छ । भोटिङमा अहिलेसम्म श्रृंखला ३७.०४ प्रतिशत भोट ल्याएर सबैभन्दा अगाडि छिन् ।

 

मंगोलियाकी सुन्दरीले १०.७६, भारतीकी सुन्दरीले ६.९४, काजकिस्तानकी सुन्दरीले ६.०१ प्रतिशत मत प्राप्त गरेका छन् । श्रंखलाले अन्तिम समयसम्म पनि आफ्नो अग्रता कायम राखिन् भने उनले मल्टिमिडया अवार्ड भने पाउने छिन् । त्यसपछि उनी आफैँले प्रतिस्पर्धीलाई पछि पार्नुपर्नेछ ।

 

सामाजिक सञ्जाल ‘मोभस्टार’मा गएर श्रृंखलाको तस्बिर तथा भिडियोमा लाइक, सेयर तथा कमेन्ट गरेका आधारमा उनको भोट काउन्ट भइरहेको छ । यस्तै फेसबुकमा गएर लाइक, कमेन्ट र सेयर गरेको खण्डमा पनि भोट काउन्ट हुन्छ । भोटिङका लागि खुला गरिएको समय भोलि (बुधबार) सकिँदैछ ।

 

विश्वका १२१ देशका सुन्दरीहरु प्रतियोगितामा सहभागी छन् । श्रृंखलाले सामाजिक सञ्जालबाट आफूलाई भोट गर्न आग्रह गरेकी छन् । जतिसक्दो धेरै आफ्ना तस्बिरमा लाइक, कमेन्ट र सेयर गर्न उनले आग्रह गरेकी छन् ।

 

उनले प्रतिस्पर्धी विभिन्न देशका सुन्दरीहरुलाई नेपाली भाषा बोल्न र गीत गाउन आग्रह गर्दै भिडियो पोस्ट गरेकी थिइन् । उनले आफ्नो भिडियोमा आफूलाई भन्दा पनि नेपालको सुन्दरतालाई देखाएकी छन् । उनले बौद्ध स्तुपदेखि सगरमाथासम्मलाई भिडियोमा समावेश गरेकी छन् ।

जिन्दगी जिउनका लागि ७ आयुर्वेदिक तरिका, बुढ्यौलीसम्म राख्छ स्वस्थ्य

आयुर्वेद विज्ञानको पारम्पारिक तरिकाले दिनको सुरुवात गर्ने हो भने, दिनभर उमंगमय भाव जाग्नेछ । उर्जा र उत्साह जाग्नेछ । आयुर्वेद अनुरुप दिनचर्या पद्धती अपनाउने अभ्यास गरियो भने, त्यसबाट स्वास्थ्यमा पर्ने प्रभाव प्रत्यक्ष अनुभूत गर्न सकिनेछ ।

 

सूर्योदयसँग उठौं

आयुर्वेदले भन्छ, ‘दिनको सुरुवात सूर्योदयअघि गर्नुहोस् । नभए पनि सूर्योदयसँगै ओछ्यान छाड्नुपर्छ । यसरी उठ्दा पुरा दिन सही ढंगले म्यानेज गर्न सकिनेछ । बिहानको ताजा हावाले शरीरमा स्फूर्ति दिलाउँछ ।

 

बिहानको नित्यकर्म

बिहान उठ्नसाथ सबैभन्दा पहिला नित्यकर्म सक्नुपर्छ । यसले पाचन प्रणाली सञ्चालन हुन्छ र रातभर जम्मा भएको विषाक्त तत्व शरीरबाट बाहिर निस्कन्छ ।

 

पेट सफा गरेपछि नाकलाई ठिक डंगले सफा गर्नुपर्छ, ताकि शरीरमा राम्ररी अक्सिजन आपूर्ति होस् । साथसाथै नाडी पनि सफा होस् । नाक नाडीका बाटो हो । अब जिब्रोलाई सफा गरौं । यसमा पनि धेरै ब्याक्टेरिया रहेको हुन्छ ।

 

हरेक विहान योग

ब्रेकफास्ट गर्नुअघि खाली पेट व्यायाम वा योग गरौं । यसले शरीरलाई नयाँ उर्जा दिनका साथै रक्त संचार पनि राम्ररी हुन्छ । यदी खुला हावामा उभिएर ५ देखि १० मिनेटसम्म लामो लामो सास लिने हो भने श्वास सम्बन्धी समस्या हट्छ ।

 

फोक्सोलाई पूर्ण रुपमा खुला राख्न र शुद्ध वायु ग्रहण गर्नका लागि शुद्ध वायु लिनु र भरपुर मात्रामा अक्सिजन ग्रहण गर्नका लागि गहिरो सास लिनुपर्छ । सास लिइरहँदा त्यही प्रक्रियामा ध्यान केन्दि्रत गर्नु अझ उत्तम हो ।

 

कागती पानी पिउनुहोस्

व्यायामपछि दिनको सुरुवात कागती पानी वा अदुवा चियाबाट गर्नुपर्छ । यसले शरीरलाई भित्रैबाट सफाई गर्छ । साथसाथै भिटामिन सि पनि प्राप्त हुन्छ । अझ कागती पानीमा मह मिसाउने भने थप राम्रो हुन्छ ।

 

यद्यपी ध्यान राख्नुपर्ने कुरा के भने, मनतातो पानी भए त्यसले पाचन प्रणाली सही ढंगले सञ्चालन हुन्छ । कागतीमा रहेको एन्टिअक्सिडेन्टले छालाको कोशिकालाई सुरक्षित राख्छ । साथसाथै छालालाई अल्ट्राभाइलेट किरणबाट जोगाउँछ ।

 

स्वस्थ्य ब्रेकफास्ट

आयुर्वेद अनुसार बिहानको नास्ता अनिवार्य मानिन्छ । बिहान शरीरको मेटाबोलिज्म स्तर उच्च हुन्छ, त्यसैले जब स्वास्थ्यवर्द्धक खानेकुरा खाइन्छ, त्यो दिनभरको लागि उर्जामा रुपान्तरण हुन्छ । यसले गर्दा दिनभर उर्जावान् अनुभूत गर्न सकिनेछ । शरीर सञ्चालनका लागि त्यसको खास रेखदेख पनि आवश्यक हुन्छ । यदी बिहान नास्ता गरिएन भने एकाग्रतामा कमी आउँछ ।

 

अभयंग मजास

अभयंग मसाज एक प्रकारको आयुर्वेदिक मसाज हो । अभयंग मसाजले शारीरिक वा मानसिक स्वास्थ्यमा लाभ मिल्छ । रोग प्रतिरोधात्मक क्षमता बढाउँछ । रक्तसंचार ठिक हुन्छ । जाडोमा न्यानो दिलाउँछ । शरीरका विषाक्त पदार्थ बाहिर निकाल्छ । अनिन्द्रको समस्या हटाउँछ । पुरा दिन उर्जावान बनाइराख्छ ।

 

स्वय्मका लागि समय

बिहानको समय नितान्त आफ्नो लागि निकाल्नुपर्छ, ताकि मस्तिष्कमा राम्रो बिचारको आगमन होस् । यसका लागि आँखा बन्द गरेर सकारात्मक भावलाई गहिराईसम्म सम्झने प्रयास गर्नुपर्छ । मनमनै आफ्नो क्षमता, खुबीको तारिफ गरौं ।