अरनीको राजमार्ग सफाई अभियानमा गृहमन्त्री थापादेखि सांसद बस्नेतसम्म झारु लिएर सडकमा



 

भक्तपुरमा आजबाट एक महिने अरनीको राजमार्ग सफाई अभियान शुरु गरिएको छ । स्वच्छ, सुरक्षित, शान्ति, तथा अमनचयनलाई स्थापित गर्ने मुख्य उद्देश्यका साथ आजदेखि शूरु गरिएको हो । काठमाडौ र भक्तपुरको सिमानामा रहेको मनोहारा पुलदेखि शुरु भएको उक्त कार्यक्रममा फोहोर फाल्नेलाई २४ घण्टा हिरासातमा राख्ने गरि अभियान शूरु गरिएको हो ।

 

कार्यक्रममा बोल्दै गृहमन्त्री थापाले समृद्ध नेपाल सुखी नेपाली बनाउन वातावरणलाई प्रदुषण मुक्त बनाउनु पहिलो कार्य भएको बताउनुभयो । उहाँले सफाईसँगै कुलत तथा दुव्यसनिका कारण नेपालमा महिला हिंसा, बलत्कार तथा हत्या हुने मुख्य कारण भएकाले यसको अन्त्य गर्नु अपरिहार्य भएको बताउनुभयो । उहाँले अभियानमा आफ्नो आवश्यकता अनुसार सहभागिता हुने समेत प्रतिवद्धता व्यक्त गर्नुभयो ।

कार्यक्रममा नेपाल कम्युनिष्ट पार्टी ९नेकपा०का केन्द्रीय सदस्य, पूर्वउद्योगमन्त्री तथा प्रतिनिधिसभाका सदस्य महेश बस्नेतले विशेष योजनामा शुरु गरिएको उक्त कार्यक्रममा हनुमन्ते नदीको साथमा राजमार्ग समेत सफाई अभियानलाई अघि बढाइएको बताउनुभयो ।

 

सिंगो भक्तपुर जिल्लालाई सफा बनाउने अभियान अन्तर्गत एक महिने अरनिको राजमार्ग सफाई अभियान आजदेखि शुरु भएको अभियानले भक्तपुरको लागि मात्र नभई नेपालको नै उदाहरणिय र मार्गदर्शकको रुपमा हुने बताउनुभयो ।

 

उहाँले फोहोर फाल्नेलाई सजाय दिने कानून नभए सार्वजनिक मुद्धा लगाएर भएपनि कारबाही गर्ने नीति लिएको बताउँदै उहाँले यसबारेमा प्रमुख जिल्ला अधिकारी र प्रहरीसँग छलफल भईसकेको बताउनुभयो । गाडीबाट फोहोर फाल्ने व्यक्ति र चालकलाई समेत कारबाही गरिने बताउदै उहाँले खोला, नदी र सडकमा फोहोर गरे कारबाहीको भागिदार हुनुपर्ने बताउनुभयो ।

 

त्यस्तै प्रतिनिधिसभाका सदस्य प्रेम सुवाल, मध्यपुर थिमी नगरपालिकाका प्रमुख मदनसुन्दर श्रेष्ठले राजमार्गमा अनाधिकृत रुपमा निर्माण गरिएका संरचनाहरु समेत हटाउनुपर्ने बताउनुभयो ।

 

प्रमुख जिल्ला अधिकारी नारायणप्रसाद भट्टले राजमार्गमा मात्र नभई समग्र भक्तपुर जिल्लामा भएका विकृति र विसंगतिको अन्त्य गर्न यो एक महिने अभियान मार्गदर्शकको रुपमा रहने बताउनुभयो । उहाँले अभियानका क्रममा अनुगमनका कार्यहरु पनि हुने बताउनुभयो ।

प्रतिक्रिया दिनुहोस
राष्ट्रिय स्वतन्त्र पार्टीको चियापानमा नेताहरुको भिडभाड

    राष्ट्रिय स्वतन्त्र पार्टीले आज दोस्रो स्थापना दिवस मनाएको छ । पार्टी

१३ खर्ब नाघ्यो वैदेशिक व्यापार घाटा

    चालू आर्थिक वर्षको ११ महिनामा नेपालको आयात र निर्यात दुवै घटेको

जेठ महिनामा ४१ अर्ब १९ करोड राजश्व संकलन

    आन्तरिक राजश्व विभागको राजश्व संकलनमा वृद्धि भएको छ । विभागको तथ्याङ्कअनुसार

पार्टी जोगाउन बोल्ड निर्णय चाहिन्छ : रास्वपा

     राष्ट्रिय स्वतन्त्र पार्टीका सभापति रवि लामिछानेले पार्टीको उद्देश्य स्पष्ट भए पनि