अनमोल र सलिनमान सँगै आए बाजी कसले मार्ला ?



हाम्रो इकोनोमि

 

नयाँ वर्षको अवसर पारेर चैत २९ गते दुई प्रतिक्षित फिल्महरु एकसाथ प्रदर्शन हुने भएका छन् ।

युवा स्टारको रुपमा परिचित अनमोल केसी अभिनित ‘ए मेरो हजुर ३’ र ‘ए मेरो हजुर २’ बाट उदायका सलिनमान बानियाँ अभिनित ‘यात्राः अ म्युजिकल भ्लग’ एकसाथ प्रदर्शनमा आउने भएसँगै फिल्म वृत्तमा विभिन्न खाले अड्कल बाजी थाप्न थालिएको छ ।

‘ए मेरो हजुर ३’ वितरणको जिम्मा लिएका मनोज राठीले चैत २९ गतेलाई नै लक्षित गरेर ‘ए मेरो हजुर ३’ को छायांकन भईरहको बताए ।

उनले भने ‘फिल्म निर्माता सुनिल कुमार थापासँग कुरा भैसक्यो ।

उहाँले चैत २९ मै आउने बताउनु भयो ।

सुनिल जीले त्यो डेटबाट नसर्ने भन्नु भएको छ ।’

यता अनमोलकै शिर्ष भूमिका रहेको फिल्म ‘क्याप्टेन’ फागुन १७ गतेदेखि प्रदर्शनमा आउँदैछ ।

सोही कारण डेढ महिनाको अन्तरमा अनमोलको फिल्म रिलिज नहुने एकथरी फिल्मकर्मी अड्कल छ ।

‘अब निर्माताले त्यही मितिमा फिल्म लाउँछु भनेपछि हामीले सार्न मिल्दैन’, वितरक राठीको भनाई छ ।

झरना थापाले निर्देशन गर्दै गरेको ‘ए मेरो हजुर ३’ मा अनमोलको जोडी भएर सुहानी थापाले अभिनय गरिरहेकी छन् ।

‘यात्राः अ म्युजिकल भ्लग’ का निर्माता केशव भट्टराई नयाँ वर्षमा दुई वटा फिल्म लाग्नु स्वभाविक हुने बताउँछन् ।

निर्माता भट्टराई भन्छन, ‘दशैं, तिहार र नयाँ वर्षमा दुई वटा फिल्म लाग्नु ठुलो कुरा होइन् ।

मिति खोज्दै गर्दा चैत २९ नै ठिक लाग्यो र त्यो डेटमा आउने भएका हौं । नयाँ वर्ष पनि चाड जस्तै भएको हुँदा दुवैलाई असर नगर्ला ।’

यद्पी छलफल र सहमतीको बाटो भने बाँकी रहेको निर्माता भट्टराईको भनाई छ ।

छायाँकन लम्बिएका कारण तोकिएको प्रदर्शन मिति असोज ५ गते अउन नसकेपछि चैत २९ मा पुगेको भट्टराई बताउँछन् ।

सम्राट शाक्यको डेब्यु निर्देशन रहेको फिल्म ’यात्रा : अ म्युजिकल भ्लग’ मा सलिनमानसँगै सलोन बस्नेत, जान्वी बस्नेत, जयनन्द लामा, रेअर राई, प्रेक्षा बज्राचार्य, धिरेन शाक्य, राजाराम पौडेल लगायतको अभिनय रहनेछ ।

के ‘ए मेरो हजुर ३’ र ‘यात्रा : अ म्युजिकल भ्लग’ चैत २९ मासँगै प्रदर्शनमा आउलान् ?

यी दुई फिल्म एकसाथ प्रदर्शनमा आए दर्शकको कस्लाई मिल्ला ?

व्यापारिक बाजी कसले मार्ला ?

नेपाली फिल्म वृत्तमा यतिबेला यी र यस्तै प्रश्नको चर्चा भैरहेको छ ।

 

प्रतिक्रिया दिनुहोस
ग्लोबल आइएमई बैंकको १२ तले कर्पोरेट भवन बन्दै

  ग्लोबल आइएमई बैंक लिमिटेडले काठमाडौंको उत्तरढोकामा १२ तले अत्याधुनिक कर्पोरेट भवन निर्माण...

कोप–३१ मा महासचिव गुटेरेसको भावुक बिदाइ सम्बोधन

  संयुक्त राष्ट्रसंघका महासचिव एन्टोनियो गुटेरेसले जलवायु संकटसँग जुध्ने कार्यलाई विश्वव्यापी शान्ति, गरिबी...

कोप–३१ विरुद्ध जलवायु न्यायकालागि सडकमा उत्रिए हजारौँको प्रदर्शनकारी

    संयुक्त राष्ट्रसंघीय जलवायु सम्मेलन कोप–३१ को मध्यबिन्दुमा पुगेसँगै टर्कीको अन्ताल्यामा हजारौँ...

स्थानीय निर्वाचनलाई प्रभावकारी बनाउने लक्ष्यसहित राष्ट्रिय भेलाको तयारीमा एमाले

    नेकपा (एमाले) ले आगामी मंसिर २ र ३ गते काठमाडौंमा आयोजना...