मंसिरबाट माघमा पुग्यो ‘दि कर्मा’
मंसिर ७ गते रिलीज हुने भनेर प्रचार समेत गरिएको फिल्म ’दि कर्मा’ यो मितिबाट पर सरेको छ ।
निर्माण टिमको अनुसार दि कर्मा अब माघ ४ गते प्रदर्शनमा आउनेछ ।
बिशेष कारणवश फिल्म सार्नु परेको निर्माता जयराज रायले जानकार दिएका छन् ।
देव कुमार श्रेष्ठले निर्देशन गरेको फिल्म दि कर्मामा नेपाली र भारतिय कलाकारको अभिनय रहेको छ ।
फिल्म भारतको सिमा क्षेत्रमा हुने घटनामा बनेको बताइएको छ ।
फिल्ममा भारतका मोडल तथा कलाकार करण वर्मा, नायिका निता ढुंगाना, परमिता राज्यलक्ष्मी राणा, बुद्दी तामाङ्ग, देव कुमार श्रेष्ठ, अनुप सक्सेना, संगीता नापित, लगायतका कलाकारहरुको अभिनय रहेको छ
जय मिडिया म्यानेजमेन्ट प्रा.लि.को ब्यानरमा बनेको ‘दि कर्मा’ को कथा निर्माता राय आफैले लेखेका हुन् ।
निशा खतिवडा निर्मात्रीको रुपमा रहेको फिल्मको छायांकन नेपालको तराई क्षेत्रमा भएको हो ।
फिल्मलाई रामेश्वर कार्कीले खिचेका हुन् ।
