नेपाली माथी याे कस्तो ज्याजती : साउदीमा तलब माग्दा नेपाल लास पठाउने धम्की दिएपछि…



 

वैदेशिक रोजगार विभागको दोस्रो तलाको बाहिरपट्टि ९ महिने छोरालाई दूध चुसाउँदै थिइन्, काभ्रेकी मैया गौतम ।

 

रसिलो आँखा र उदास अनुहार लिएर उनी साउदीमा अलपत्र परेका आफ्ना पतिलाई नेपाल झिकाइदिनू भन्दै आइतबार विभागमा आएकी थिइन् । गत फागुन २४ गते वैदेशिक रोजगारीका लागि साउदी गएका मैयाका पति मिनप्रसाद ढुंगाना डेढ महिनादेखि साउदीमा अलपत्र छन् ।

 

राम्रो कमाइ हुने भन्दै अक्सफोर्ड इन्टरनेसनल प्रा.लि नामक म्यानपावर कम्पनीमार्फत् साउदी गएका मिनप्रसादले विदेश गएको ५ महिना राम्रो काम र तलब पाए । उनलाई कम्पनीले गार्डेनमा फूड प्याकिङको काम लगाएको थियो । तर पाँच महिनापछि उनलाई होटलमा काम लगायो ।

 

खाने बस्ने सुविधासहित फूड प्याकिङको काम भनेर म्यानपावरलाई एक लाख बुझाएका मिनप्रसादले होटलमा भनेजस्तो तलब र सुविधा पाएनन् ।

 

खाना बस्ने सुविधा त परको कुरा होटलमा काम गरेको डेढ महिनासम्म पनि उनले तलब पाएनन् । काम गरेको तलब माग्दा कम्पनीले कामबाटै निकालिदिएको मिनप्रसादकी पत्नी मैयाले बताइन् ।

 

‘शुरूमा त भनेको काम र तलब नै थियो, महिनामा ५०/६० हजार हुन्छ भनेको थियो । पछि काम गरेको डेढ महिनासम्म पनि तलब दिएनन्,’ मैयाले भनिन्, ‘तलब माग्दा कामबाटै निकालिदियो । तलब माग्न आइस् भने जिउँदो नेपाल फर्कन पाउँदैनस्, लास पठाउँछौं भन्छ रे !’ मैया भक्कानिँदै रोइन् ।

 

पतिले फोनमा जसरी पनि नेपाल झिकाऊ भनेपछि उनी ९ महिनाको छोरा काखी च्यापेर दुई महिनाअघि म्यानपावर पुगिन् ।

 

म्यानपावरले मैयालाई विदेशमा अलपत्र पतिलाई तलब र सुविधा दिलाउने र काम पनि लगाइदिने आश्वासन दिए । डेढ महिनासम्म कुर्दा समेत पतिले साउदीमा काम नपाएपछि मैया एक साता अघिदेखि विभाग धाइरहेकी छन् ।

 

‘८ दिनदेखि यहाँ आइरहेको छु, श्रीमानलाई झिकाइदिनू भन्दा म्यानपावरले अझै पनि काम लगाइदिन्छु मात्रै भन्छ,’ मैयाले गुनासो गरिन्,‘ यहाँका कर्मचारी पनि म्यानपावरकै कुरा सुन्छन् । मुद्दा हाल्न लाग्दा कर्मचारीकै अगाडि म्यानपावरका मान्छेले मुद्दा नहाल भनेर दबाब दिन्छ ।’

 

मैयाका पति मिनप्रसादसँगै अन्य १८ जना नेपाली पनि तलब नपाएर अलपत्र छन् । साउदीमा अलपत्र परेका उनीहरूलाई नेपाल झिकाउन आफन्तहरू वैदेशिक रोजगार विभाग धाइरहेका छन् ।

कोक पिएको १० मिनेटदेखि १ घण्टाभीत्र मानिसलाई यतिसम्म असर गर्छ

कोकाकोलाको टेस्टबाट जो कोहि पनि यसको सेवन गर्न रुचाउँछन् | आजकाल कतिपयले गर्मीमा पिउने सबैभन्दा बढी पेय पदार्थ अन्तर्गत पनि कोकाकोला नै पर्छ | तर एक समाचारले संसारमै चर्चा पाएको छ, जुन हामीलाई पनि आवस्यक हुनसक्छ |

 

‘दी रेनिगेड फार्मासिस्ट’ नाम गरेको ब्लग चलाउने ब्रिटेनका पूर्व फार्मासिस्ट नीरज नाइकले कोल्ड ड्रिंक पिएपछी शरीरको भीत्र हुने प्रभावको बारेमा खुलाशा गरेका छन् | जुन कुरा पछिल्लो समय सामाजिक संजालमा भाइरल बनेको छ |

 

नीरज नाइकले एक ग्राफिकको माध्यमबाट बताएका छन् कि कसरी कोल्ड-ड्रिंक्सको सेवनबाट शरीरमा अत्यावश्यक खनिज तत्व बाहिर निकाल्छ र मानिसलाई मानसिक र शारीरिक रूपमा हानी गर्छ भन्ने कुरा सार्वजनिक गरेका छन् | उनले एक केन कोकको सेवनबाट आउने एक घण्टासम्म हुने प्रभावको बारेमा खुलाशा गरेका हुन्-

 

पहिलो १० मिनेट:
जब तपाइले एक केन कोक पिउनुहुन्छ तव तपाइको शरीरमा १० चम्चा शुगर एकसाथ जान्छ | यो मात्रा २४ घन्टाको लागि चाहिने शुगरको मात्रा बराबर हो | अचानक बढी गुलीयो खाँदा तपाईलाई बान्ता समेत हुनसक्छ तर यसमा मिलाइएको फोस्फोरिक एसिडको कारण बान्ता भने हुँदैन | जसले गुलीयोको टेस्ट परिवर्तन गर्छ |

 

२० मिनेट पछी –
कोक पिएको २० मिनेटमै पिउने मानिसको ब्लड शुगर एकदम बढ्छ | जसको कारण शरीरबाट इन्सुलिन तीब्र मात्रामा बाहिर निस्कन्छ | शरीरको मिर्गौलाले यसमा काम गर्छ र यसलाई फ्याट (चिल्लो पदार्थ) मा बदलिदिन्छ |

 

४० मिनेट पछी-
अब पिउने मानिसको शरीरमा क्याफीनको निकै मात्रा बाहिर निस्कन्छ | अर्को तिर ब्लड प्रेशर पनि उत्तिकै बढ्छ | यसका साथै तपाइको मिर्गौलाले रगतमा शुगर पठाउने काम गर्छ | मस्तिष्कमा रगत जान रोकिन्छ जसको कारण निन्द्रा लागेजस्तो हुन्छ |

 

४५ मिनेट पछी –
यति समय पछी तपाइको सरिरमा हिरोइन (मादक पदार्थको नाम) लिएको जस्तै लाग्छ | शरीरमा डोपामाइनको उत्पादन बढ्छ | यसमा मस्तिष्कलाई खुशी दिने हिस्सा सक्रिय हुन्छ |

 

६० मिनेट पछी –
कोक पिएको एक घण्टापछी तीन प्रक्रिया हुन्छ –

१. फोसफोरिक एसिडले तपाइको शरीरको इंटेस्टाईनमा क्याल्शियम, म्याग्निशियम र जिंकलाई एकतृत पार्छ | यसले मेटाबोलिज्म बढाउँछ | शुगर र अन्य आर्टिफिशियल स्वीटनर्सको बढी मात्रामाको कारण मेटाबोलिज्म थप बढ्छ | एस्पछी मानिसलाई पिसाव फेर्न पर्ने हुन्छ जसमा सरिरबाट अन्य बेलाको जस्तो पिसाव नभई सरिरलाई चाहिने क्याल्सियम बाहिर निस्कन्छ |

 

२. क्याफीनलाई तरल बनाउने गुणको कारण तपाइँलाई पटक पटक पिशाव गर्न जानुपर्ने बनाउँछ | जुन पिसाव मार्फत शरीरमा भएको क्याल्सियम, म्याग्निशियम, जिंक, सोडियम र पानी बाहिर जान्छ जो वास्तवमा पिशाव मार्फत तपाइको ट्वाइलेटमा नभई शरीरको हड्डीमा जानुपर्ने थियो |

 

३- अर्को कुरा के पनि छ कोक एक पटक सेवन गरेपछि फेरी पनि सेवन गर्न मन लाग्ने हुन्छ, जुन हुनुको पनि कारण छ, कोकको मीठोपनले तपाइँलाई अल्छीपन ल्याउँछ | सादा पानी खाँदा हाम्रो सरिरलाई निकै फाइदा गर्छ भने कोकमा हुने पानी माथिको प्रक्रियाको असरले गर्दा सरिरमा बसिराख्दैन, उक्त पानी यूरिन मार्फत बाहिर जान्छ |

 

यसरी कोक पिउदा तपाइको शरीरको हड्डि र दाँतलाई आवश्यक आवश्यक खनिज शरीरबाट बाहिर जाने हुँदा सारीरिक रुपमा कोक निकै बेफाइदाजनक छ |

छिमेकीकी बुहारीसँग अनैतिक सम्बन्ध राख्ने युवकलाई समाजले दियो यस्तो ‘दण्ड

विवाहित महिलासँग अनैतिक सम्बन्ध स्थापित गरेको आरोपमा महोत्तरीको एकडारा गाँउपालिकाका एक युवालाई ‘सामाजिक दण्ड’ दिइएको छ ।

 

सोमबार बिहान एकडारा गाँउपालिका –१, का ३० वर्षीय दिलीप मण्डललाई एक नवविवाहित महिलासँग अनैतिक सम्बन्ध स्थापित गरेको भन्दै स्थानीयहरुले ‘सामाजिक दण्ड’ दिएका छन ।

 

स्थानीयहरुले मण्डललाई आधी कपाल काटेर, जुता चप्पलको माला लगाई, निधारमा चुनको टीका लगाई गाँउ घुमाएका हुन । छिमेकीकी बुहारीलाई प्रलोभनमा पारि अनैतिक सम्बन्ध स्थापित गरेको भन्दै मण्डललाई सामाजिक रुपमा दण्डित गरिएको स्थानीयले बताएका छन् ।

 

वडा नं. १ का वडाध्यक्ष रैहान रेजा अन्सारीले घटना वास्तविक भएको जनाउनुभएको छ । आफू बाहिर रहेको समयमा गाँउका एक समूहले त्यो घटना घटाएको र आफू सत्यतथ्य बुझ्ने प्रयासमा रहेको वडाध्यक्ष अन्सारीले बताउनुभयो ।

 

घटना मानवअधिकारविपरीत रहेको गाँउपालिकाका अध्यक्ष रामछविला साहले जनाउनुभएको छ । आफूलाई केहीबेर अगाडि मात्र घटनाको सम्बन्धमा जानकारी भएकोले आफूले सत्यतथ्य बुझ्ने प्रयासरत रहेको गाँउपालिकाका प्रमुख साहले पत्रकारलाई बताउनुभयो ।

 

घटनास्थलमा पुगी प्रहरीको टोलीले अनुसन्धान सुरु गरिसकेको महोत्तरीका प्रहरी उपरीक्षक ईश्वर कार्कीले बताउनुभयो ।

 

घटनामा संलग्न जो कोहीलाई कानुन अनुसार सजाय हुने प्रहरी उपरीक्षक कार्कीले जनाउनुभयो । मण्डल सम्पर्कविहीन रहेकोले प्रहरीले खोज्ने प्रयासमा रहेको प्रहरी उपरीक्षक कार्कीले जनाउनुभयो । मण्डल आफै विवाहित रहेको र उनको चार छोराछोरी रहेको बुझिएको छ ।

प्रतिक्रिया दिनुहोस
बैंक मिटरब्याजीजस्तो हुनु हुँदैन : ओली

    नेकपा एमालेका अध्यक्ष केपी शर्माले बैंकहरू मिटरब्याजीजस्तो हुन नुहने बताएका छन्

शेयर धितो र घरजग्गा कर्जामा नयाँ नीति

    नेपाल राष्ट्र बैंकले मौद्रिक नीति समीक्षामार्फत केही लचक नीतिहरू ल्याएको छ

अध्यक्ष ओलीद्वारा पुष्पलालको शालिकमा माल्यार्पण

    नेकपा (एमाले)का अध्यक्ष केपी शर्मा ओलीले पार्टी संस्थापक नेता पुष्पलाल श्रेष्ठको

त्रिभुवन विमानस्थलबाट १४ केजी सुनसहित १ जना पक्राउ

    त्रिभुवन अन्तर्राष्ट्रिय विमानस्थलबाट १४ किलो सुनसहित १ जना पक्राउ परेका छन्