सरकारी जग्गा बेच्ने मालपोत अधिकृतसहित ७ जना अख्तियारको खोरमा



 

सरकारी जग्गालाई किर्ते कागजात खडा गरी विक्री वितरण गर्ने तथा गराउने ७ जनाविरुद्ध भ्रष्टाचार मुद्दा दायर भएको छ ।
अख्तियार दुरुपयोग अनुसन्धान आयोगले आइतबार सरकारी जग्गाको किर्ते कागजात बनाई विक्री वितरण गर्ने तत्कालीन मालपोत अधिकृतसहित ७ जनाविरुद्ध भ्रष्टाचार मुद्दा दायर गरेको हो ।

 

मालपोत कार्यालय, परासीका तत्कालीन कर्मचारीहरको सहयोगमा बिचौलियासहितले मिलेमतो गरी ३ करोडको सरकारी जग्गा विक्री वितरण गराएको भन्दै उनीहरुविरुद्ध भ्रष्टाचार मुद्दा दायर गरिएको अख्तियारले बताएको छ ।

 

मालपोत कार्यालय परासीका तत्कालीन मालपोत अधिकृत मनोहरप्रसाद पन्थी, खरिदार जीवलाल भूषाल र कम्प्युटर अपरेटर एजाज खाँसहित ७ जनाबिरुद्ध आइतबार विशेष अदालत काठमाडौंमा मुद्दा दायर भएको हो ।
 

यस्तो छ घटना विवरण
सरकारी कर्मचारीहरुसमेतको मिलेमतोमा सरकारी जग्गा व्यक्तिको नाममा ल्याई विक्री वितरण गरेको भन्ने उजुरी अख्तियार दुरुपयोग अनुसनधान आयोगमा पर्छ ।

 

साविकको जयखानी ३ गुल्मीका दीपक सुनारले साविक तिलकपुर गाविस वडा नम्बर ५, (हाल सरावल गाउँपालिका वडा नम्बर १) को २ बिघाहा १५ कठ्ठा २ धुर क्षेत्रफलको सरकारी जग्गा नक्कली कागजात बनाई विक्री गराए ।

 

उक्त जग्गाको नक्कली कागजात बनाउने तथा मालपोत कार्यालयमा समेत लगत राखी लालपूर्जासमेत बनाउने काममा मालपोत कार्यालय परासीमा मालपोत अधिकृत मनोहरप्रसाद पन्थी, खरिदार जीवलाल भूषाल र कम्प्युटर अपरेटर एजाज खाँले आर्थिक लाभ लिएर सहयोग गरे ।

 

सरकारी कर्मचारीहरुले उक्त जग्गाको नक्कली जग्गाधनी दर्ता श्रेस्ता र प्रमाणपूर्जा समेत खडा गरेको पाइएको थियो ।

 

सरकारी जग्गालाई व्यक्तिको बनाई राजीनामा पाससमेत गराएको पाइयो । प्रतिकठ्ठा ५ लाख २० हजारका दरले विक्री वितरण गरिएको उक्त जग्गाको मूल्य न्युनतम सरकारी मूल्यअनुसार पनि २ करोड ८६ लाखभन्दा बढी हुन्छ ।

 

वडा कार्यालयको सिफारिशसमेत नक्कली बनाई पहिले दीपक सुनारको नाममा उक्त जग्गा ल्याइएको थियो ।

 

दीपक सुनारको नाममा जग्गा आइसकेपछि उक्त जग्गा पछि लुम्बिनी ग्याँस प्रालि नवलपरासकिो नाममा राजीनामा पाससमेत भएको पाइएको छ ।

 

यसरी सरकारी जग्गा भएको जान्दाजान्दै व्यक्ति वा अमुक संस्थाको नाममा नक्कली कागजात खडा गरी आर्थिक लाभ लिएर विक्री वितरणमा सहयोग पुराएपछि मालपोत कार्यालय परासीका ३ जना कर्मचारीमाथि भ्रष्टाचार मुद्दा दायर भएको हो ।

 

 

राष्ट्रसेवक कर्मचारीले आफ्नो पदको दुरुपयोग गरी बदनियतपूर्वक सरकारी, सार्वजनिक सम्पत्ति हानी नोक्सानी हुने र व्यक्ति विशेषलाई गैरकानुनी लाभ तथा प्रत्यक्ष फाइदा पुर्याउने काम गरेको पुष्टि भएको भन्दै मालपोत अधिकृत मनोहरप्रसाद पन्थी, खरिदार जीवलाल भूषाल र कम्प्यटर अपरेटर एजाज खाँलाई जनही २ करोड ८६ लाख ५२ हजार रुपैयाँ बिगो मागदाबी गर्दै भ्रष्टाचारको मुद्दा दायर भएको हो ।

 

यसैगरी मालपोत कार्यालय, परासीका कर्मचारीहरुलाई अनुचित प्रभावमा पारी आफूलाई गैर कानूनी लाभ हुने र नेपाल सरकारलाई हानी पुराउने कार्य गरेको भन्दै दीपक सुनार, बिचौलिया यादबप्रसाद भण्डारी, लुम्बिनी ग्याँसका प्रतिनिधि सुरेन्द्रराज पौड्याल तथा अर्का विचौलिया सुदन श्रेष्ठलाई पनि जनही २ करोड ८६ लाख ५२ हजार बिगो रकम मागदाबी गर्दै विशेष अदालतमा भ्रष्टाचार मुद्दा दायर भएको हो ।

प्रतिक्रिया दिनुहोस
राष्ट्रियसभा निर्वाचनको कार्यतालिका सार्वजनिक

    निर्वाचन आयोगले राष्ट्रियसभा निर्वाचनको कार्यतालिका सार्वजनिक गरेको छ । सरकारले माघ

गणतन्त्रविरोधी हर्कतलाई हामीले सामूहिकरूपमा जवाफ दिन जरुरी : कावा प्रधानमन्त्री खड्का

    कार्यवाहक प्रधानमन्त्री पूर्णबहादुर खड्काले वर्तमान संघीय लोकतान्त्रिक गणतन्त्रात्मक शासन प्रणाली तुलनात्मक

कांग्रेस प्रचण्डपथको भरिया बनेको छ : ओली

    नेकपा एमालेका अध्यक्ष केपी शर्मा ओलीले नेकपा माओवादी केन्द्रका अध्यक्ष पुष्पकमल

यो सरकार आफैँ ढल्न सक्छ : अध्यक्ष ओली

    नेकपा (एमाले) का अध्यक्ष केपी शर्मा ओलीले वर्तमान सरकार कुनै पनि