सामाजिक तथा सांस्कृतिक रुपान्तरणमा साहित्यिक अभियान



हाम्रो इकोनोमि

अबको साहित्यलाई सामाजिक तथा सांस्कृतिक रुपान्तरण अभियानका रुपमा विकास गर्नुपर्नेमा स्रष्टाहरुले जोड दिएका छन् ।

पूर्वी स्याङ्जाको हरिनास गाउँपालिका–५ को पर्यटकीय सम्भावना रहेको हरिनास जङ्गलमा आयोजित बृहत् साहित्य सम्मेलनमा सहभागी साहित्यकारहरुले आफ्नो रचनामार्फत यस्तो अभिव्यक्ति दिएका हुन् ।

“तरबारमा भन्दा कलममा बढी बल हुन्छ भनेर दाबी गर्दै गर्दा अहिले समाजमा भइरहेका विकृति–विसङ्गतिविरुद्ध स्रष्टाहरुले कलम चलाउनु आवश्यक छ,” आयोजक ज्याग्दी खोला साहित्य प्रतिष्ठानका अध्यक्ष देवेन्द्र लम्सालले भन्नुभयो, “कलम चलाउने सचेत नागरिकले अरूलाई पनि सचेत बनाउनु हाम्रो कर्तव्य हुने भएकाले आफ्ना रचनामार्फत विकास र समृद्धितर्फ अघि बढ्न अभिप्रेरित गर्नु आवश्यक देखिन्छ ।”

दुई दिनसम्म सञ्चालन भएको सम्मेलनले छबुँदे हरिनास साहित्य घोषणापत्रसमेत जारी गरेको छ । सम्मेलनले बलात्कार, हत्या, हिंसा, भ्रष्टाचारजस्ता कार्यको न्यूनीकरणका लागि पहल हुनुपर्ने, सामाजिक तथा सांस्कृतिक रुपान्तरणका लागि साहित्यिक अभियानहरु समय समयमा दूरदराजमा पु¥याउनुपर्नेलगायत बुँदाहरुलाई घोषणापत्रका रुपमा ल्याएको छ ।

नेपालका सात वटै प्रदेश तथा भारतको सिक्किमबाट समेत यहाँ वरिष्ठ साहित्यकारको जमघट भएको आयोजक ज्याग्दी खोला साहित्य प्रतिष्ठानका अध्यक्ष देवेन्द्र लम्सालले बताउनुभयो ।

पूर्वी इलामदेखि पश्चिम कञ्चनपुरसम्मका झण्डै सय जना वरिष्ठ साहित्यकारको भेलामा ४८ जनाभन्दा बढी साहित्यकारले कथा, कविता, गजल, मुक्तकलगायत साहित्य सिर्जनाहरु वाचन गरेका अध्यक्ष लम्सालले बताउनुभयो ।

प्रतिक्रिया दिनुहोस
ग्लोबल आइएमई बैंकको १२ तले कर्पोरेट भवन बन्दै

  ग्लोबल आइएमई बैंक लिमिटेडले काठमाडौंको उत्तरढोकामा १२ तले अत्याधुनिक कर्पोरेट भवन निर्माण...

कोप–३१ मा महासचिव गुटेरेसको भावुक बिदाइ सम्बोधन

  संयुक्त राष्ट्रसंघका महासचिव एन्टोनियो गुटेरेसले जलवायु संकटसँग जुध्ने कार्यलाई विश्वव्यापी शान्ति, गरिबी...

कोप–३१ विरुद्ध जलवायु न्यायकालागि सडकमा उत्रिए हजारौँको प्रदर्शनकारी

    संयुक्त राष्ट्रसंघीय जलवायु सम्मेलन कोप–३१ को मध्यबिन्दुमा पुगेसँगै टर्कीको अन्ताल्यामा हजारौँ...

स्थानीय निर्वाचनलाई प्रभावकारी बनाउने लक्ष्यसहित राष्ट्रिय भेलाको तयारीमा एमाले

    नेकपा (एमाले) ले आगामी मंसिर २ र ३ गते काठमाडौंमा आयोजना...