जिप दुर्घटनाका घाइतेलाई थप उपचारका लागि काठमाडौं ल्याईयो
जुम्लाको सिजा गाउँपालिकाको नराकोटमा कार्तिक ७ गते जिप दुर्घटनामा घाइते भएकाहरूलाई थप उपचारका लागि नेपाली सेनाको हेलिकोप्टर मार्फत काठमाडौं लगिएको छ ।
कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा रहेका चन्दननाथ नगरपालिका – ९ तलिउमका गगन नेपाली, दिपक नेपाली र सोही नपा ३ का जितेन्द्र खत्री, दुल्लु नपा – ५ दैलेका भक्ति साउद र पोखराकी मिरा रेग्मीलाई थप उपचारका लागि काठमाडौं लगिएको हो । नेपाली सेनाको पहिलो चार्टरमा तीन जना र दोस्रो चार्टरमा एक जनालाई लैजाने व्यवस्था गरिएको यातायात व्यवसायी सुशिल देवकोटाले बताए ।
सोही घटनामा परी एकै परिवारका तीन जनाको मृत्यु भएको थियो । जुम्ला बजारबाट नराकोटसम्म रिर्जभमा गएको भे १ ज ८६५ नम्बरको जिप दुर्घटना हुँदा तिला गाउँपालिका ३ का लाले सार्कीसहित उनकी श्रीमती जानकी सार्की र ८ महिनाकी छोरी मैना सार्कीको मृत्यु भएको प्रहरी नायव निरीक्षक सिताराम सिजालले बताए ।
बुलबुले यातायात व्यवसायी र कर्णाली प्रदेशको समन्वयनमा थप उपचारका लागि दुर्घटनाका घाइतेलाई काठमाडौं लगिएको सहायक प्रमुख जिल्ला अधिकारी टेकबहादुर बुढ्थापाले बताए ।
