क्यासिनोमा जुवा खेलिरहेका एकको वेहोस भएर मृत्यु, मृत्यु शंकास्पद भएको प्रहरीको दावी
काठमाडौंको दरबारमार्गस्थित एक क्यासिनोमा जुवा खेलिरहेका एक नेपालीको मज्यान गएको छ ।
क्यासिनोमा जुवा खेल्दा खेलिरहेका बेला बेहोस भएका उनको मृत्यु भएको बताइएको छ । काठमाडौंको दरबारमार्गस्थित याक एण्ड यति होटलमा रहेको रोयल क्यासिनोमा भारतीय परिचय पत्र देखाएर जुवा खेलिरहेका सिरहाको लहान स्थायी घर भएका बुद्धिलाल शाह एक्कासी बेहोस भएका थिए ।
तत्काल प्रहरी र क्यासिनोका कर्मचारीले उनलाई उपचारका लागि काठमाडौं मोडेल अस्पताल पुर्याए लगत्तै शाहको मृत्यु भएको भएको प्रहरीले जनाएको छ ।
उनी क्यासिनो छिर्दा भारतीय नागरिक हरिशंकर पालको नाममा रहेको परिचय पत्र देखाएको काठमाडौं प्रहरी प्रवक्ता हुवेन्द्र बोगटीले जानकारी दिएका छन् । शाहको मृत्यु शंकास्पद भएको भन्दै प्रहरीले थप अनुसन्धान शुरू गरेको प्रवक्ता बोगटीले बताएका छन् ।
