छक्का पन्जा ३ लाई आफ्नै रेकर्ड तोड्नु पर्ने दबाब
वुधबार घटस्थापनाको दिनबाट रिलिज हुन लागेको सिनेमा छक्का पन्जा ३ लाई आफ्नै रेकर्ड तोड्नुपर्ने दबाब छ ।
किनकी, फिल्म हिट होला कि नहोला भन्दा पनि कति कमाउला भन्ने चासो सर्वत्र छ ।
यसैले पनि छक्का पन्जा ३ लाई आफ्नो पुरानो रेकर्ड तोड्ने या त्यसको छेउछाउ पुग्ने दबाब छ ।
छक्का पन्जाले १६ करोड ग्रस कलेक्शन गरेको थियो भने छक्का पन्जा २ ले १४ करोड ग्रस कलेक्शन गरेको थियो ।
यसैले पनि दशैको लामो विदाको अवसरमा रिलिज हुन लागेको यो सिनेमाले कति कमाउँला भन्ने चासो सर्वत्र छ ।
यसपटक सिनेमाको बिषयवस्तु राम्रो भएकाले पनि दर्शकले सिनेमा मन पराउने विश्वासमा यो सिनेमाको यूनिट छ ।
निर्देशक दिपाश्री निरौला, निर्माता दिपकराज गिरी र यसका कलाकार बिषयवस्तु र कमेडीले दर्शकलाई सिनेमा मनपर्ने बताउँछन् ।
वुधबार इनिसियल व्यापारदेखि दशैकको लामो बिदामा सिनेमाले फाइदा उठाउन सक्छ ।
दिपकराज गिरी, दीपिका प्रसाई, केदार घिमिरे, जितु नेपाल, वुद्दि तामाङ लगायत सिनेमाका मुख्य कलाकार हुन् ।
