पूर्व प्रधानमन्त्रीकी श्रीमती पक्राउ
मलेसियाका पूर्वप्रधानमन्त्रीकी श्रीमती रोसमाह मन्सुरलाई भ्रष्टाचारको आरोपमा पक्राउ गरिएको छ। अरबौं डलर भष्टाचारसहित अन्य मुद्दाको आरोपमा उनलाई देशको भ्रष्टाचारविरुद्ध कारबाही गर्ने निकायले बुधबार पक्राउ गरेको हो।
उनीमाथि पदको दुरुपयोग गरेको आरोप पनि लागेको छ। उनी केही वर्षदेखि अलोकप्रिय काम गर्दै आएको समेत बताइएको छ।
रोसमाहका अधिवक्ता कुमाराएन्ड्रानले उनी पक्राउ परेको पुष्टि गरेको समाचारमा जनाइएको छ। मलेसियाको भष्टाचार नियन्त्रणसम्बन्धी निकायले रोसमाहमाथि केही प्रश्नहरु उठाएपछि उनी पक्राउ परेको बताइएको छ।
उनका श्रीमान् तथा मलेसियाका पूर्वप्रधानमन्त्री नाजिब रजाकलाई पनि भ्रष्टाचार र मुद्रा अपचलनलगायतको आरोप लागेको छ । उनले १५ वर्ष जल सजाय भोग्नुपर्नेछ।
