प्रचण्डले चाले सत्ताका लागि यस्तो खर्तनाक खेल, बामदेव र माधव नेपालपनि प्रचण्ड गुटमा
नेपाल कम्युनिष्ट पार्टी नेकपाभित्र सत्ताको चलखेल सुरु भएको छ । प्रधानमन्त्री एवं नेकपा अध्यक्ष केपी शर्मा ओलीको हालीमुहाली बढेपछि अर्का अध्यक्ष पुष्पकमल दाहाल प्रचण्डले चलखेल थालेका हुन् ।
वरिष्ठ नेता भए पनि सत्ता र शक्तिको भोग गर्न नपाएको झोंकमा माधवकुमार नेपालले संसदमै प्रतिपक्षीको भूमिका निभाएर उत्तर चीनतिर हानिएपछि सिंगापुरबाट फर्केको अर्को दिननै प्रचण्ड तातेका हुन् ।
सिंगापुर–भारत–चीन–सिंगापुर गरी त्रिकोणात्मक भ्रमण गरेर आफू बलियो भएको प्रमाणित गर्दै प्रचण्डले अब ओलीको नेतृत्वमा नभई आफ्नो नेतृत्वमा सर्वदलीय सरकार बनाउन लागिपरेको उच्च स्रोतको भनाइ छ ।
संसदमा उपलब्ध प्रतिपक्षी दलहरुलाई समेत समेटेर अगाडि बढ्ने मनस्थितिमा प्रचण्ड रहेको बुझिन्छ । उनी यसअघि काँग्रेस र एमालेसंग मिलेर सत्ता चलाउँदा पनि छिनछिनमा सर्वदलीय सरकारको पक्षमा देखिन्थे ।
त्यतिबेला बहुमत नहुँदा सर्वदलीय भन्नु स्वभाविकै भए पनि अहिले नेकपालाई बहुमत मात्र छैन दुई तिहाइको समर्थन छ ।
प्रचण्डले किन यसो गर्न खोजे ?
अध्यक्ष ओलीले सरकारका निर्णयअघि अध्यक्षको नाताले प्रचण्डसंग सरसल्लाह नै नगरेको दोष छ । यो अवगुणलाई आधार बनाएर प्रचण्ड अब शक्ति आफ्नो हातमा लिन चाहन्छन् ।
उनले मंगलबार आफ्नै पार्टीका प्रभावशाली सचिवालय सदस्य बामदेव गौतमसंग लामो छलफल गरेका छन् । एक घण्टाभन्दा लामो छलफलमा प्रचण्डले नयाँ शिराबाट अगाडि बढ्नु पर्नेमा जोड दिएका छन् ।
प्रचण्डलाई भारत र चीनको स्वीकारोक्ति आएपछि उनले नयाँ कदम चालेको बुझिएको छ । उनलाई अवरोध आउने नेकपाभित्रबाटै हो । माधव नेपाल पक्षले पनि समर्थन दिनसक्ने भएपछि प्रचण्ड थप उत्साही बनेको बुझिन्छ ।
त्यसो त ओली नेतृत्वको सरकारले सात महिनामा कुनै सकारात्मक उपलब्धि हासिल गर्न नसकेको र सरकारकै कारण आमजनतामा निराशा पैदा हुन थालेका बेला सत्तारुढ पार्टीका नेताहरू सरकारलाई सफल बनाउनभन्दा असफल सिद्ध गरेर आन्तरिक विकल्प खोज्ने मानसिकतामा देखापरेको आरोप पनि लाग्न थालेको छ ।
प्रचण्ड ओलीको शैली देखेर सन्तुष्ट छैनन् । उनले असोज दोस्रो साता नै आफू निकटका पत्रकारलाई पनि बोलाएर यससम्बन्धमा भनाई व्यक्त गरेका थिए । सोही विचार राखेपछि प्रचण्डले काँग्रेस सभापति शेरबहादुर देउवासंग पनि परामर्श गरेको बुझिएको छ ।
अब बामदेव र माधव नेपाल फकाउने पालो
जुन उद्धेश्य लिएर नेपालले प्रचण्डलाई सघाउन तयार भएका थिए त्यो पूरा भएको छैन । नेपाल ओलीको सेखी झार्न चाहन्थे । ओलीको सेखी चढ्दो छ । त्यसैले नेपालले अति भएपछि संसदमा ओलीको खरो आलोचना गरे ।
बामदेव पनि छट्पटिएका छन् । उनी सांसद बनेर संसद छिर्न चाहन्छन् । तर अब उनका लागि त्याग गर्ने कम्युनिष्टहरु सकिएछन् कि । कसैले पनि हात ठडाउँदैनन् ।
एउटा सांसदले पद छाड्नु भनेको पाँच वर्षभित्र कमाउने रकम बराबरको बार्गेनिङ हो । त्यो भन्दा पनि ठूलो कुरा ओलीका लागि भएको छ बामदेव रोक्न् ।
बामदेवलाई ओलीले चुनावमै रोकेका थिए । अब फेरि आफ्नो खुट्टामा बन्चरो हान्ने पक्षमा ओली छैनन् । तसर्थ सांसद बन्न रोक्ने ओली नै हुनेछन् ।
यतिबेला पनि प्रचण्डले भूमिका खेल्न सक्नेछन् । तर ओली बिहीबार राति फर्कदै गर्दा यदि शुक्रबारदेखि माहोल बदलियो भने नौलो नमानौं । किनकि प्रचण्ड अडान रुचाउँदैनन् ।
