तिनपिप्ले नाकाबाट राजधानी ल्याउदै गरेको पाँच किलो सुन बरामद
प्रहरीले नुवाकोटबाट राजधानी भित्रने नाका तिनपिप्लेबाट पाच किलो सुन बरामद गरेको छ । विशेष सुराकीका आधारमा प्रहरीले केहीसमय अगाडी सो नाकामा चेकजाच गर्ने क्रममा सो सुन बरामद गरेको हो ।
चिनबाट रसुवा हुदै सुन राजधानी ल्याउदै गरेको अवस्थामा प्रक्राउ गरेको प्रहरीले जानकारी दिएको छ । यद्यपी थप अनुसन्धान जारी रहेको बताएको छ ।
खोलामा नुहाउन गएका युवक बेपत्ता
सिन्धुपाल्चोकको बलेफी गाउँपालिका– १ को ब्रह्मायणी नदीमा एक युवक बेपत्ता भएका छन् ।
सोमबार नवलपरासीबाट ढाडे भन्ने स्थानका लागि सिमेन्ट लिई आएको ना५ख ८५०३ नंको ट्रकका सहचालक १९ वर्षीय सूर्य रानालाई नुहाउन जाँदा खोलाले बगाएको हो ।
निजको खोजी भइरहेको र हालसम्म फेला नपरेको प्रहरीले जनाएको छ । बेपत्ता भएका युवक नवलपरासीको गैंँडाकोट नगरपालिका निवासी रहेको जिल्ला प्रहरी कार्यालय सिन्धुपाल्चोकले जनाएको छ ।
