गायक अनुप जलोटाको ३७ वर्ष कान्छी प्रेमिकासँगको सम्बन्ध तोडे
बलिउड भजन गायक अनुप जलोटाले आफूभन्दा ३७ वर्ष कान्छी प्रेमिकासँगको सम्बन्धलाई तोडेका छन् ।
अभिनेता सलमान खानको विवादित टेलिभिजन शो ‘बिग बोस सिजन १२’ मा भारतीय भजन गायक अनुप जलोटा र उनकी प्रेमिका जसलिन मथारुको जोडीको प्रवेश भएसँगै चर्चामा छाएको थियो ।
गायक अनुप जलोटा र उनकी प्रेमिकाबीच ३७ वर्षको अन्तर रहेको छ । अनुप जलोटा ६५ वर्ष भए भने उनकी प्रेमिका २८ वर्षकी हुन् ।
तर बिग बोसको घरमा गएको महिना दिन नबित्दै अनुपले जसलिनसँगको सम्बन्ध तोडिदिएका छन् । बिग बोसको घरमा दिइएको कार्य अन्तर्गत अनुप जलोटाका लागि जसलिनले उनको कपाल छोट्याउनु पर्ने, लुगा र मेकअपका सामग्री नष्ट गर्नुपर्ने शर्त राखिएको थियो ।
तर जसलिनले अनुपका लागि आफ्नो कपाल नछोट्याउने र लुगा र मेकअपका सामग्री नदिने बताएपछि अनुपले चित्त दुखाएका हुन् ।
आफू जसलिनका लागि ज्यान दिन पनि तयार रहेको तर जसलिनले आफूलाई भन्दा उनको कपाल, कपडा र मेकअपलाई माया गरेकाले अबदेखि उनी जसलिनका साथ नरहने निर्णय लिएका छन् ।
अनुप जलोटाले बिग बोस घरमा उपस्थित सम्पूर्ण सदस्य तथा क्यामेराको अगाडि यस कुराको घोषणा गरेका छन् । उनीहरुको ब्रेकअपको खबर अहिले भाइरल बनिरहेको छ ।
