गुट बनाएको दिन सबैभन्दा ठूलो गुट मेरै हुन्छ : झलनाथ खनाल
नेपाल कम्युनिष्ट पार्टी (नेकपा) का वरिष्ठ नेता भफलनाथ खनालले पार्टीमा शक्ति संघर्षका लागि गुट बनाउनै परे सबैभन्दा ठूलो गुट आफ्नै हुने घोषणा गर्नुभएको छ ।
आफू अहिलेसम्म नेकपाको गुटमा रहेको भन्दै खनालले सार्वजनिक खपथका लागि गुटवन्दी नचाहेको तर बनाउनै पर्ने बाध्यता आए आफले बनाएको सगुट नै वैभन्दा ठुलो हुने ठोकुवा गर्नुभयो । उहाँले अर्का वरिष्ठ नेता माधवकुमार नेपालको गुटबन्दीप्रति असन्तुष्टि पनि जनाउनु भयो ।
‘सबैले गुट बनाउने खालको मात्रै कुरा गर्ने र पार्टीमा गुटैगुट भयो भने त्यो बेला मैले पनि सोच्नु पर्ने स्थिति आउन सक्छ । गुट बनाउनुपर्यो भने त म सबैभन्दा ठूलो गुट बनाउँछु, गुट बनाएकै दिन वैभन्दा ठुलो गुट मेरै हन्छ,’ खनालले जनटा टाइम्ससँग भन्नुभयो ।
खनालले आफू अहिलेसम्म गुट बनाउनेतिर नलागेको कारण अझै निर्णयमा पुगिनसकेको बताउनु भयो । ‘म कहिल्यै गुट–उपगुटमा लागिन र लाग्ने पनि छैन । पार्टीलाई नीति र विधिमा लगिए यस्ता देखिन थालेका गुट उपगुट सबै सकिन्छन,’ खनालले भन्नुभयो ।
उहाँले पार्टी कमिटीको नियमित बैठक बस्न नसक्दा अहिले विभिन्न नेताहरुले आआफ्ना कसरत गरिरहेको धारणा पनि राख्नुभयो ।
खनालले आफू पार्टीको बरिष्ठ नेता भएकोले निरन्तर पार्टीलाई एउटा कार्यदिशा दिन लागिरहेको बताउनु भयो । वरिष्ठ नेता खनालले कुनै पनि नेताले गुटबन्दी गर्ने खालको कुरा गर्छ भने त्यो दुर्भाग्यपुर्ण हुने धारणासमेत राख्नुभयो ।
प्रधानमन्त्री ओली र कोष्टारिकाका राष्ट्रपति क्युसाडाविच शिष्टाचार भेट
धानमन्त्री केपी ओली र कोष्टारिकाका राष्ट्रपति अल्भाराडो क्युसाडाविच शिष्टाचार भेट भएको छ । विकास र उर्जा क्षेत्रमा सहकार्यका विषयमा भेटवार्ता केन्द्रीत रहेको थियो ।
भेटपछि आयोजना गरिएको संयुक्त पत्रकार सम्मेलनमा प्रधानमन्त्री ओलीले दुई मुलुकबीच गरिबी निवारण, दिगो विकास, वातावरण संरक्षण र उर्जा क्षेत्रमा सहकार्यका सम्भावना रहेको बताउनुभयो ।
राष्ट्रसंघ जस्ता अन्य अन्तर्राष्ट्रिय फोरममा आपसी हितका एजेण्डामा सहकार्यको सहमति भएको बताउनुभएको छ । आगामी दिनमा दुई मुलुकबीचको सहकार्यका लागि प्रधानमन्त्रीले आग्रह गर्नुभयो । जलवायु वातावरण, विश्व शान्ति स्थापना लगायतका एजेण्डामा छलफल भएको राष्ट्रपति क्युसाडाले बताउनुभयो ।
कोष्टारिकाको औपचारिक भ्रमणमा रहनु भएका प्रधानमन्त्री ओलीलाई संयुक्त राष्ट्रसंघीय शान्ति विश्वविद्यालयले मानार्थ विद्या वारिधीको उपाधि प्रदान गरेको छ । प्रधानमन्त्री ओलीलाई दर्शनशास्त्रको मानार्थ विद्या वारिधी प्रदान गरिएको हो ।
नेपालमा शान्ति स्थापनाका लागि पुर्याएको योगदानको कदर गर्दै उपाधि प्रदान गरिएको विश्वविद्यालयले उल्लेख गरेको छ । नेपालमा लैङ्गिक समानता तथा समावेशितासहित शान्ति प्रक्रियाको विश्वविद्यालयले प्रशंसा गरेको छ ।
विश्वविद्यालयले आयोजना गरेको कार्यक्रममा बोल्दै प्रधानमन्त्री ओलीले नेपालको शान्ति प्रक्रियाको उपलब्धिबारे अनुभव सुनाउनु भएको थियो । विद्यमान विश्वको समस्याको जवाफ विश्वविद्यालयका विद्वानहरुले खोज्नु पर्ने प्रधानमन्त्री ओलीको भनाई थियो ।
युद्धको अन्त्य मात्र नभई शान्ति स्थापनाका लागि राजनीतिक, आर्थिक र सांस्कृतिक स्वतन्त्रता समेत आवश्यक रहेको प्रधानमन्त्रीले बताउनुभएको उहाँका प्रमुख सल्लाहकार विष्णु रिमालले जानकारी दिनुभयो । पत्नी राधिका शाक्य, परराष्ट्रमन्त्री प्रदीप ज्ञवाली, सल्लाहकार रिमाल सहित न्युयोर्क गएको टोलीसँगै प्रधानमन्त्री ओली कोष्टारिका जानुभएको हो ।
संयुक्त राष्ट्रसंघको महासभामा भाग लिएर कोष्टारिका पुग्नु भएका प्रधानमन्त्री ओली न्यूर्योक हुँदै काठमाडौं फर्कनुहुने न्युर्योक स्थित महावाणिज्य दूतावासले जनाएको छ ।
