ज्ञानेन्द्रलाई अख्तियारको संरक्षण : मेयर सचिवालयका प्रमुख हटाइए



 

दुई वर्ष अगाडिसम्म काठमाडौं महानगरपालिकाको बागडोर शान्ताराम पोख्रेलको हातमा थियो । कार्यकारीहरुले समाधान गर्न नसकेका काम पनि उनैले समाधान गर्ने गर्दथे । फोहोर व्यवस्थापनमा कार्यकारीहरुले टाउको दुखाउनु परे पनि समाधान गर्न परेपछि कारक तत्व शान्ताराम नै हुन्थे ।

 

उनी अवकाश भएको दुई वर्ष वितिसक्यो तर महानगरपालिकाको बागडोर भने अहिले उनकै चेला ज्ञानेन्द्र कार्कीले सम्हालेका छन् ।

ज्ञानेन्द्र कार्कीलाई तह लगाउन प्रमुख प्रशासकीय प्रमुख यादवप्रसाद कोइरालाले प्रयास गरेपनि सकेनन् र हार खाए भन्ने चर्चा कर्मचारीहरु गर्ने गर्दछन् ।

 

महानगरपालिकाका काम गर्न सकिंदैन भन्ने भएपछि पटक पटक सरुवा माग्दै आएक कोइरालाको सरुवा भएन बरु महानगरमा आएका दुई सहसचिवको सरुवा भयो ।

 

यसको प्रमुख कारण थियो प्रमुख विद्यासुन्दर शाक्य कार्कीकै कब्जाबाट बाहिर उम्किन नसक्नु । अहिले फेरि महानगरमा कार्कीकै बोलवाला शुरु भएको कर्मचारीहरुको गुनासो रहेको छ ।

महानगर प्रमुखको सचिवालयमा प्रमुखका रुपमा रहेका नमराज ढकाल यतिखेर ज्ञानेन्द्रको जालमा परेर गल हत्याइएका छन् ।

 

ढकाल प्रमुख विद्यासुन्दर शाक्यले रुचाएका व्यक्ति भएपनि उनलाई अहिले सहकारी शाखाको प्रमुखका रुपमा सरुवा गरिएको छ । तर, ढकालले रमाना भने बुझिनसकेको बताइन्छ ।

 

अख्तियार दुरुपयोग अनुसन्धान आयोगका आयुक्त राजनारायण पाठकको संरक्षण रहेकाले महानगरमा ज्ञानेन्द्र कार्कीले आफ्नो स्वार्थ जे जस्तो अनियमित काम गरेतापनि कारवाही नहुने गरेको महानगर स्रोत  बताउछ ।

नमराज ढकाललाई सरुवा गर्नुमा पुरै हात कार्कीको रहेको छ । उनले भने जस्तो नभएपछि सचिवालयमा रहेको एमाले (तत्कालीन) निकट कर्मचारीहरुलाई पालैपालो त्यहाँबाट हटाउने अभियानमा जुटेको देखिन्छ ।

 

ढकाललाई सरुवा गर्न भ्याएका कार्कीले त्यही सचिवालयमा नै रहेको अर्का शाखा अधिकृत सुशील सुवेदीलाई पनि शहरी योजना आयोगमा सरुवा गर्न सफल भएका छन् ।

हुन त प्रशासन विभागको विभागिय प्रमुख आफै भएकाले पनि सहसचिव एव सचिवलाई उनले प्रभावमा पार्ने र आफ्नो योजना मूताविक निर्णय गराउने सफल समेत बन्दै आएका छ्न ।

शक्तिका आडमा दौडिने कार्कीले महानगरपालिकाको मेट्रो एफ.एममा कार्यरत एकजना पत्रकारलाई हात लिएको बताइन्छ ।

 

जसले शेरबहादुरदेखि लेखराज भट्टलाई समेत भेटाउने र कार्कीलाई राजनीतिक माहौल बनाईदिने काम गर्दै आईरहेका छन् ।

 

त्यही कारण पनि कार्कीले रेडियोमा काम गर्नुपर्ने ती पत्रकारलाई नियम विपरीत काज, विदा पटक पटक दिने गर्दछन् ।

 

रेडियोमा कार्यक्रम तथा समाचार भन्नु नपर्ने ती पत्रकार बाहेक कार्कीले अरुलाई मान्छे नै गन्दैनन्  । नियम विपरीत र कार्यालयको हाजिर भन्दा बढी काज कसरी दिइयो भन्ने विषयमा सूचना विभागका प्रमुख नरेन्द्र बज्राचार्यले भने यहा“बाट केही थाहा हुँदैन माथि प्रशासन प्रमुख ज्ञानेन्द्र कार्कीलाई सोध्नुस् भन्ने जवाफ दिने गरेका छन् ।

 

यसले के प्रष्ट पार्दछ भने कार्कीको डिजाइनमा चल्ने प्रमुख शाक्य कहिल्यै सफल नहुने र नेकपालाई समेत बद्नाम गर्ने पंक्तिमा उभिएका छन् । अहिले महानगरपालिकाका कार्कीलाई दोस्रो शान्तारामको रुपमा कर्मचारीहरुले चर्चा गर्न थालेका छन् ।

साँघु साप्ताहिक

प्रतिक्रिया दिनुहोस
१६ बुँदे माग राख्दै दुग्ध उत्पादक किसानले गरे आन्दोलन घोषणा

      दूध उत्पादक किसानहरूले दूधको रकम भुक्तानी र बिक्री वितरण सहजीकरण

पेशागत महासंघले माग्यो मन्त्री बस्नेत र मुख्य सचिव अर्यालको राजीनामा

    पेशागत महासंघ नेपालले स्वास्थ्यमन्त्री मोहनबहादुर बस्नेत र मुख्यसचिव बैकुण्ठ अर्यालको राजिनामा

नेकपा एससँग पार्टी एकता हुदैन : अध्यक्ष ओली

    नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले नेकपा (एकीकृत समाजवादी)

डीडीसीले अझै तिरेन १ अर्ब, दूध बेचेको पैसा नपाउँदा किसान सडकमा

    चितवनका दूध उत्पादक किसानले दूधको रकम भुक्तानी र बिक्री वितरण सहजीकरण