अन्तर्घातीलाई कारबाही नगरे अर्को चुनाव पनि हारिन्छ : देउवा
कांग्रेस सभापति शेरबहादुर देउवाले पार्टीमा एकता र अनुशासन कायम नभए अर्को निर्वाचनमा पनि कांग्रेस पराजित हुने बताएका छन् । कांग्रेस अछाम–काठमाडौं सम्पर्क समितिद्वारा शनिबार आयोजित दसैँ, तिहार, नेपाल सम्बत् र छठको शुभकामना एवं सम्मान कार्यक्रममा सभापति देउवाले पार्टी बलियो हुन अनुशासन कायम हुनुपर्ने बताए ।.
‘हाम्रो पार्टीलाई एकताबद्ध बनाएर अघि बढाउन जरुरी छ । पार्टीमा अनुशासनको कमी र अन्तर्घात हुँदा हामी निर्वाचनमा हार्न पुग्यौँ,’ नेता कार्यकर्तालाई सचेत बनाउँदै देउवाले भने, ‘निर्वाचनमा देशभर अन्तर्घात भयो । यो अन्तर्घातको गहिरो छानबिन नगरी अर्को निर्वाचनमा जाने हो भने फेरि पनि हामी पराजित हुन्छौँ । त्यसैले पार्टीमा अनुशासन कायम गरेर जानुपर्छ ।’
पार्टी एक भए पहिलो पार्टी
पार्टीमा अनुशासन कामय भएर एक भए अर्को चुनावबाट कांग्रेसलाई एक नम्बरको पार्टी बनाउन सकिने देउवाको भनाइ दाबी थियो । ‘हामी पुनः एक नम्बर पार्टी बन्न सक्छौँ । तर, यसका लागि अन्तर्घातीलाई कारबाही गर्ने र पार्टीमा अनुशासन कामय हुनुपर्छ,’ उनले भने । कांग्रेस एकतावद्ध र बलियो भए मात्र नागरिकमा विश्वास र भरोसा बढ्ने देउवाले बताए ।
महामन्त्री डा. शशांक कोइरालाले पनि कांग्रेस अन्य पार्टीसँग नभई आफ्नै पार्टीसँग पराजित भएको बताए । ‘कांग्रेस कम्युनिस्ट वा अन्य पार्टीसँग पराजित भएको होइन,’ उनले भने, ‘कांग्रेसलाई हराउने कांग्रेसी नै हुन् ।’
पार्टी एकताबद्ध हुँदा अबको चुनावबाट कांग्रेस एक नम्बरको पार्टी हुने उनको भनाइ थियो । सहमहामन्त्री डा. प्रकाशरण महतले कम्युनिस्टलाई परास्त गरेर आउँदो चुनावमा कांग्रेस एक नम्बर पार्टी बन्ने बताए ।
यी हुन् अर्काकी पत्नी ‘ध्वस्त’ पार्ने पूर्वएमालेका वडाध्यक्ष, प्रहरीकै संरक्षण
कम्युनिस्ट सरकारले नवलपरासी डेढगाउँकी एक महिलालाई बलात्कार गरेको आरोप लागेका घिरिङ गाउँपालिका वडा नम्बर ४ का वडाध्यक्ष झकबहादुर कुमाललाई राजनीतिक संरक्षण दिएर राखेको खुलासा भएको छ ।
तत्कालीन एमालेबाट वडाध्यक्षमा विजयी भएका कुमाल बलात्कार मुद्धामा प्रहरीमा लिखित जाहेरी पर्दासमेत पक्राउ गरिएको छैन ।
वडाध्यक्ष कुमाललाई कम्युनिस्ट सरकारकै दवावमा प्रहरीले पक्राउ नगरेको हो । गत वैशाखमा कुमालले विवाहित महिलालाई बलात्कार गरेका थिए । कुमाल पाँच महिनादेखि गाउँमा घुमफिर गर्दै आएका छन् ।
घटनालगत्तै कार्यवाहक छाडेर बेपत्ता भएका कुमाल गाउँमै आइरहने भए पनि पक्राउ परेका छैनन् । वडाध्यक्ष कुमालमाथि स्थानीय विवाहिता महिलालाई डेढगाउँबाट फर्कने क्रममा बलात्कार गरेको अभियोग छ ।
कुमालविरुद्ध पक्राउका लागि नवलपरासी वर्दघाट सुस्तापूर्वको प्रहरीमा उजुरी परेको छ । कुमाल तनहुँ बस्ने भएकाले पक्राउका लागि नलवपरासी प्रहरीले पत्राचार गरेको छ ।
वडाध्यक्ष कुमाल हाल नेपाल कम्युनिस्ट पार्टी (नेकपा)मा आवद्ध छन् ।
वडाध्यक्ष कुमाल नियमित घर आउने गर्छन् । रात बस्ने गरे पनि कुमाललाई पक्रन प्रहरीले हिममत देखाएको छैन । पीडित परिवारले कम्युनिस्ट सरकारबाट न्याय पाउनेमा आशा मर्दै गएको बताउन थालेको छ ।
बलात्कृत महिलाका श्रीमान् विदेश रहेका छन् । ती महिलालाई पत्नीकै रुपमा राखेर बलात्कारको जाहेरी फिर्ता गराउन वडाध्यक्षले प्रयास गरेको आफन्तको दाबी छ । त्यसैले पनि महिला असुरक्षाले दमौली बस्न थालेकी हुन् ।
बलात्कृत महिलालाई वडाध्यक्षले पत्नीका रुपमा स्वीकार गरेर मुद्धाबाट बच्न आफन्तहरूलाई दवाव दिने गरेका छन् ।
तनहुँका प्रहरी उपरीक्षक सिद्धिविक्रम शाहले पक्राउको प्रयास भइरहे पनि नभेटिएको दाबी गरे । कुमाल तत्कालीन एमाले तथा हाल नेकपामा आवद्ध छन् । राजनीतिक दबाबका कारण उनलाई नपक्रेको आरोपसमेत प्रहरीमाथि लाग्ने गरेको छ ।
प्रदेश सभामा समेत यस विषयमा पटक पटक आवाज उठ्यो । यसअघि केही पटक कुमालको गाउँ पुगेको प्रहरी उनी झुक्याएर भागेकाले पक्रन नसकिएको बताउँदै फर्केको थियो ।
प्रदेश सभामा गत साता प्रदेशसभा सदस्य सरिता गुरुङले आवाज उठाएपछि उनलाई पक्रन फेरि प्रहरी टोली गाउँ गएको थियो । उनी गाउँमा नभेटिएको प्रहरी उपरीक्षक शाहले बताएका छन् ।
घटनाको लामो समयसम्म समेत पक्रन नसकिँदा एकातिर पीडित महिलाले असुरक्षा भोगेकी छन् भने अर्कोतिर कानूनी कारबाही अघि बढ्न सकेको छैन ।
अहिले देशैभर बलात्कारका घटनामा कारबाहीको चर्को दबाब परिरहेका बेला तनहुँमा यति लामो समयसमम पनि दोषी पक्रन नसक्नु दुःखद् भएको प्रदेशसभा सदस्य सरिता गुरुङले बताइन् ।
