रौतहटमा झडप, प्रहरीद्वारा २० राउण्ड हवाई फायर, केहि घाइते
रौतहटमा स्थानीयबीच झडप भएको छ । रौतहटको गरुडा–९ श्रीपुरमा स्थानीय बासिन्दाबीच झडप भएको हो ।
झडप नियन्त्रणमा लिन प्रहरीले २० राउण्ड हवाई फायर गरेको छ । झडपका क्रममा केही गाउँले घाइते भएका छन् ।
गरुडाको बाग्मती नदीमा शव जलाउने विषयमा स्थानीय बासिन्दाबीच विवाद भई झडप भएपछि नियन्त्रणका लागि प्रहरीले हवाई फायर गरेको हो ।
प्रहरीले झडप रोक्न २० राउण्डभन्दा बढी अश्रुग्याँस पनि हानेको छ । झडप रोक्न गरुडामा ठूलो संख्यामा नेपाल प्रहरी र सशस्त्र प्रहरी खटिएको छ । झडप नियन्त्रणमा खटिएका केही प्रहरी समेत घाइते भएका छन् ।
