कांग्रेसमा गच्छादार मात्रै कार्यकर्ता जति राजपा र फोरममा, देउवाले भने यति हो तपाईका मान्छे ?



 

नेपाली कांग्रेसमा समाहित भएको तत्कालिन फोरम लोकतान्त्रिकका नेताले पश्चिम नवलपरासीमा आफ्ना पुराना कार्यकर्ताहरुको नामावली संकलन गर्न थालेको छ । पार्टी कांग्रेसमा मिसिए पनि संगठनको जिम्मेवारी नपाएपछि क्रियाशील सदस्यता दिलाउन नामावली संकलन गरिएको पूर्वफोरम नेताहरु बताउँछन् ।

पूर्वफोरम लोकतान्त्रिकका अध्यक्ष वीजयकुमार गच्छदारले आफ्ना २० हजार बढी कार्यकर्तालाई कांग्रेसको क्रियाशील सदस्यता दिनुपर्ने केन्द्रमा माग गरेपछि जिल्ला तहका नेताहरु कार्यकर्ताको नाम संकलन गर्न जुटेका हुन् ।

तत्कालिन फोरमका जिल्ला अध्यक्ष सुवासचन्द्र गिरीका अनुसार पूर्व फोरम लोकतान्त्रिकले कार्यकर्ताको नामावली पठाउन जिल्लामा निर्देशन नै दिएपछि नाम संकलन सुरु भएको हो ।जिल्लाबाट पाँच सय कार्यकर्ताको नामावली पठाउन पूर्व फोरम लोकतान्त्रिकको सर्कुलर छ । सोही संख्यामा जिल्ला नेताले नामावली संकलन गरिरहेका छन् ।

नामावली संकलन गर्दा पूर्व फोरम लोकतान्त्रिकको संख्या बढी देखाउन पुराना कांग्रेस कार्यकर्ताको नामावली पनि राखिएको कांग्रेस संस्थापक समुहका नेताको गुनासो छ । गिरीले भने वडादेखि गाउँ र नगरमा रहेका पूर्व फोरम लोकतान्त्रिकका कार्यकर्ताको नाम मात्र संकलन भएको दाबी गरेका छन् ।

गिरीका अनुसार करिब पाँच सय कार्यकर्ताको नाम क्रियाशील सदस्यताका लागि केन्द्र पठाइने छ । तत्कालिन फोरम नेताहरुका अनुसार यसरी संकलन भएको नामावली जिल्ला कार्यसमितिमा नपठाइ सिधै केन्द्रमा नेता गच्छदारलाई पठाइने छ ।

कांग्रेस सभापतिलाई जानकारी छैन

आफ्नै कार्यकर्ताले नामावली संकलन गरेको कुरा नेपाली कांग्रेस जिल्ला कार्यवाहक सभापति अर्जुनकुमार पोखरेल आफूलाई जानकारी नभएको बताउँछन् ।

संकलन गरिएको नामावली र संख्याबारे जिल्ला समितिलाई जानकारी नदिइएको उनको गुनासो छ । तत्कालिन फोरम लोकतान्त्रिकका नेता भने जिल्लामा नामावली नदेखाई केन्द्रमै पठाउने तयारीमा छन् ।

संस्थापन पक्षलाई नै जानकारी नदिइ गच्छदार निकट (पुराना कार्यकर्ता) समुहको गतिविधिलाई समानान्तर समितिको तयारीका रुपमा पनि जिल्लामा ब्याख्या गरिएको छ ।

पूर्वी र पश्चिम नवलपरासीमा नेपाली कांग्रेसका १३ हजार ७ सय क्रियाशील सदस्य रहेको दाबी छ । जसमध्ये ८ हजार बढी पूर्वी र बाँकी पश्चिम जिल्लामा कांग्रेसका क्रियाशील सदस्य छन् ।

गत वर्ष नेता गच्छदारसहित फोरम लोकतान्त्रिकका जिल्लाअध्यक्षसहित जिसस उपप्रमुख र गाउँपालिका अध्यक्ष गरी २० बढी जिल्ला तहका नेता तथा कार्यकर्ता कांग्रेस जिल्ला समितिमा बिलय भएका थिए।

प्रतिक्रिया दिनुहोस
शर्मिला वाइबालाई चार दिन हिरासतमा राख्न अनुमति

    आफूलाई अभियन्ता बताउँदै व्यक्तिगत विषयहरुमा सामाजिक सञ्जालमार्फत टिप्पणी गर्ने शर्मिला वाइबालाई

सरकारको आफ्नै काम कारबाहीप्रति प्रधानमन्त्रीको असन्तुष्टि

    अर्थमन्त्री डा.प्रकाशशरण महतसँगको खटपटको चर्चाबीच प्रधानमन्त्री पुष्पकमल दाहाल प्रचण्डले आफैँले किटान

दूधको भुक्तानी दे, किसान मार्न पाइँदैन भन्दै कृषिमन्त्रीको राजीनामा माग

    किसानहरूले लुम्बिनी प्रदेशका विभिन्न जिल्लामा कृषिमन्त्रीको राजीनामा मागसहित चक्काजाम गरेका छन्

परिस्थिति जटिल र चुनौतीपूर्ण छ : प्रधानमन्त्री प्रचण्ड

  प्रधानमन्त्री पुष्पकमल दाहाल प्रचण्डले आफू नेतृत्वको सरकारले लक्ष्य अनुसार परिणाम दिन नसकेको