नेपालको विकासमा क्यानडा सहयोग गर्न तयार, दुई देशबीच समझदारी पत्रमा हस्ताक्षर
नेपाल र क्यानडाबीच समाजदारी पत्रमा हस्ताक्षर भएको छ । संयुक्त राष्ट्रसंघको ७३ औं महासभामा भागलिन न्यूयोर्क पुगेका प्रधानमन्त्री केपी शर्मा ओली र क्यानडाका प्रधानमन्त्री जस्टीन ट्रुडोबीच भेटवार्ता पछि समझदारी पत्रमा हस्ताक्षर भएको हो ।
भेटवार्ताको क्रममा दुवै प्रधानमन्त्रीबीच उच्चस्तरीय भ्रमण आदान प्रदानगर्ने विषयमा समेत सहमति भएको छ ।
नेपालको विकासमा क्यानडाले महत्वपूर्ण सहयोग गर्ने प्रतिवद्धता जनाएको प्रधानमन्त्री ओलीका राजनीतिक सल्लाहकार विष्णु रिमालले जानकारी गराएका छन ।
लोकतन्त्र, सुशासन, आर्थिक वृद्धि, समानताका मुद्दामा आपसी साझेदारी गर्ने बिषयमा द्वीपक्षीय सम्झौता भएको छ । सम्झैतामा नेपालका तर्फबाट प्रधानमन्त्री ओली र क्यानडाका तर्फबाट प्रधानमन्त्री ट्रुडोले हस्ताक्षर गरेका छन ।
