भारतीय प्रधानमन्त्री नरेन्द्र मोदी फेरि नेपाल, आउने यस्तो छ कारण
भारतीय प्रधानमन्त्री नरेन्द्र मोदी फेरि नेपाल आउने भएका छन् । नेपाल आउन सबैभन्दा सजिलो मान्ने मोदी मंसिरको दोस्रो साता नेपाल आउन लागेका हुन् ।
भारतीय सञ्चारमाध्यमहरुले मोदी मंसिर १२ र १३ गते नेपाल भ्रमणमा आउन लागेको दावी गरेका छन् ।
मोदी भारतको प्रधानमन्त्री भएपछि चार पटक नेपाल आइसकेका छन् । मोदीको पाँचौं भ्रमण चुनाव केन्द्रीत हुने बुझिएको छ । यसपटक भने उनले पटक पटक सफल हुन नसकेको बुद्ध जन्मस्थल लुम्बिनीको समेत भ्रमण गर्ने कार्यक्रम रहेको बुझिएको छ ।
मोदीलाई लुम्बिनी घुमाउने योजना प्रधानमन्त्री केपी शर्मा ओलीकै हो । ओलीले पछिल्ला दुवै भ्रमणका क्रममा मोदीलाई लुम्बिनी घुम्ने निम्तो दिएका थिए ।
‘छिमेक नीति’ लाई पहिलो प्राथमिकता दिएका मोदीले भारतको आम निर्वाचन अघि नै नेपाल भ्रमण गरेर वातावरण सौहार्द बनाउनु पर्ने सल्लाह पाएपछि निकै छिटो नेपाल आउन थालेका हुन् ।
गत बैशाखमा नेपाल आएका बेलामा मोदीले धार्मिक पर्यटनको मिसनलाई निकै प्राथमिकताका साथ उठाएका थिए । यसकै परिणामले अहिले जनकपुर–विहार गाडी चल्ने गरेको छ । जनकपुरबाट सुरु भएको रामायण सर्किट भारतको अयोध्यासँग जोडिन्छ।
मोदी हिन्दू सेन्टिमेन्ट बटुल्नसमेत सफल छन् । अहिलेको नेपाल यात्राले धार्मिक सहिष्णु बढाउन थप मद्दत पुग्नेछ ।
जसरी नेपालका नेताहरु चुनावअघि भारत गएर माहोल बनाउने गर्छन् मोदी र भारतीय नेताहरु पनि नेपाल आएर माहोल बनाउने विष्लेषण गरिन्छ ।
