रविनाका रगताम्य रातहरू, कसरी सहन्थिन् यौनपीडा ?

हाम्रो इकोनोमि

 

सानै उमेरमा बलात्कारमा परेर ठूलो पीडा सहँदै आएकी रविना वादीलाई पति श्याम ओलीको कठोर अन्यायमा परेको खुलासा भएको छ ।

 

बर्दिया जिल्ला स्थायी घर भएका ओलीले रविनालाई विभिन्न लाञ्छनाहरू लगाउने गरेका छन् । ओली आफू कुनै चरित्रको हुन् भन्ने कुरा भने भुलल्ने गरेका छन् । सुत्केरी पत्नीलाई खान नदिएर दुःख दिनुका साथै पशुपति नाथको मन्दिर नजिकै लगेर छाडेका ओलीले आफू निर्दोष छु भन्ने गरेका छन् । ओलीका कालाकुर्तुतहरू रविनाले बाहिर ल्याइदिएकी छिन् ।

 

युवती भनेपछि हुरूक्कै हुने ओलीले अरु थुप्रै युवतीहरूलाई पनि दुःख दिएको प्रमाण आफूसँग रहेको रविनाले दाबी गरेकी छिन् । रविनाले आफ्नो छोरालाई दश लाखमा भारतीय नागरिकसँग बेच्न खोजेको आरोप ओलीलाई लगाएकी छिन् ।

 

आफूलाई बारम्बार पिट्नुका साथै हिंसा गर्ने गरेको रविनाले बताएकी छिन् । भारतमा समेत लगेर ओलीले दुःख दिनुका साथै ओठमुख सुन्निने गरेर पति ओलीले कुटपिट गरेको पनि स्मरण गरेकी छिन् ।

 

रविनाले अधिकार माग गरेर कानूनी लडाइँका लागि अगाडि बढेपछि ओलीले दिएको सबै दुःख र पीडाहरू बाहिर आएका हुन् ।

 

रविनाको विगतको जीवन थाहा हुँदाहुँदै विवाह गरेका ओलीले छोरो जन्मिएपछि जिम्मेवारीबाट पन्छिन भाग्ने गरेको आरोप छ । ओलीले आफूलाई अनिच्छा हुँदा पनि यौनसम्पर्क गर्ने गरेको आरोप लगाएकी छिन् ।

 

ओलीलाई सामाज, प्रहरी र अधिकारकर्मीहरूको दवावमा विवाह दर्ता गराउनुका साथै छोराको जन्मदर्ता गर्न बाध्य बनाइएको थियो । रविना अहिले पति श्यामसँग अलग भएर बसेकी छिन् । उनले छोराका लागि आफूले संघर्ष गर्ने बताएकी छिन् ।

 

छोरो र आफ्ना लागि राजधानीमा संघर्ष गर्दै गरेकी रविनाले उच्च शिक्षा लिएक छिन् । कालिकोट जिल्लास्थित घरमै १०–१२ वर्षको उमेरमा आफन्त पर्नेको बलात्कारमा परेकी रविनाको बाल्यकाल अत्यन्तै कहालि लाग्दो छ

 

। रविनालाई स्टाप नर्स बनाउने बुबाको इच्छा थियो । तर, बलात्कृत भएपछि ती सबै योजनाहरू भताभुङ्ग भएका थिए ।

 

सामान्य परिवारकी रविनालाई त्यही बेला बाबुकै उमेरको व्यक्तिसँग विवाह गरेर नेपालगञ्ज पठाइएको थियो । बाबु भन्ने जस्ता ती पतिबाट रविनाले ठूलो अन्याय सहनु परेको थियो । सानै उमेरमा विवाह गरेकी रविनालाई पहिलो पतिको घरमा खान समेत दिइँदैन थियो ।

 

उमेर नपुग्दै रविनाले पहिलो पतिबाट छोरो जन्माएकी थिइन् । पहिलो पति पनि महिला भनेपछि हुरुक्कै हुने व्यक्ति थिए । पहिलो पतिबाट जन्मिएको छोरालाई आफूबाट खोसेर घरपरिवारलाई निकाला गरेको उनले पीडा सुनाइन् ।

 

यतिसम्मकी आफ्नो इच्छा नहुँदा पनि दशदेखि १५ पटकसम्म बलात्कृत हुनु परेको रविनाले बताइन् । ‘म सानै थिएँ । विवाह गरेर पठाए । नचाहँदा नचाहँदै दशदेखि १५ पटकसम्म यौनसम्र्कका लागि तयार हुनु पर्दथ्यो’, युट्युव च्यानलहरूमा रविनाले दिएका अन्तर्वार्तामा भनेकी छिन्, ‘म रगताम्य हुने गरेकी थिएँ । मेरो पीडा कसैले बुझेन ।’ उच्च शिक्षा हासिल गरेकी रविना छोरा बिरामी हुँदा उपचार गर्न पैसा नभएर कठिनभन्दा किठन दुःख पाएको सुनाइन् ।

 

राम्रो स्वर रहेकी रविनाले दुईवटा गीत पनि गाएकी छिन् । उनका गीतहरू युट्युवमा राम्रो भ्यू भएका छन् । रविनाले आफूलाई सहानुभूति भन्दा पनि न्याय चाहिएको बताउने गरेकी छिन् । काम गर्न लाज नमान्ने रविनाले सानोभन्दा सानो काम गर्ने गर्छिन् । ‘चोर्न, ठग्न लाज हुन्छ’, उनले भनिन्, ‘काम गरेर खान कुनै लाज हुँदैन ।’रिपब्लिका दैनिकबाट