ओली सरकारले संघीयता मास्न खोज्दैछ : गगन थापा
नेपाली कांग्रेसका केन्द्रीय सदस्य तथा पूर्व स्वास्थ्य मन्त्री गगन थापाले संघीयता वारे वर्तमान प्रधानमन्त्री केपी शर्मा ओलीको स्पष्ट धारणा नभएको हुदा प्रदेश सरकार झन् कमजोर बन्दै गएको बताएका छन् ।
नेपाल प्रेस युनियन पाल्पा शाखाले सोमवार राखेको अन्तरक्रियामा वोल्दै नेता थापाले क्षमताको हिसावले जनताको अपेक्षा अनुरुप काम गर्न नसक्दा ५ बर्षको अनुकुलको समय खेर जादा प्रश्न सरकारमाथी नभई पद्धतीमाथी नै उठ्ने बताए ।
उनले लामो समयपछि बलियो सरकार बनेपनि सरकार सुशासनको पक्षमा चुकेको र मुलुकलाई समृद्धि तर्फ उन्मुख गराउन असफल भएको उल्लेख गरे।
सरकारको स्थीरताको कारण कही कतै संविधानको स्थायीत्वमा अप्ठ्यारो नल्याओस भन्दै थापाले यो अवस्थामा प्रतिपक्षको भुमिका अझ सशक्त बनाउनुपर्नेमा जोड दिए ।
थापाले कांग्रेस महासमिति वैठकपछि पार्टिको नया संरचनामा जाने बताए ।
