७२ लाख नक्कली भारुसहित एक पक्राउ
भजनी नगरपालिका, ३ बर्दघाटबाट सशस्त्र प्रहरीले अवैध करिब ७२ लाख नक्कली भारुसहित एक जनालाई पक्राउ गरेको छ । पक्राउ पर्नेमा लम्की चुहा नगरपालिका, १ का ३१ वर्षीय कृष्णराज जोशीलाई रहेका छन् ।
नेपाल–भारत सीमा नजिकै रहेको बर्दघाटबाट आलुको बोरामा लुकाई छिपाई ल्याउँदै गरेको ७१ लाख ७९ हजार ३ सय नक्कली भारुसहित पक्राउ गरेको हो । प्रहरीले से ४ प ६७६० नम्बरको मोटरसाइकललाई पनि नियन्त्रणमा लिएको इलाका प्रहरी कार्यालय टिकापुरका प्रहरी नायब उपरीक्षक शिव बहादुर सिंहले बताए ।
.अवैध पैसालाई आन्तरिक राजश्व कार्यालय कैलालीमा पठाइने र पक्राउ व्यक्तिलाई चोरी तथा सामाजिक अपराध मुद्दा चलाइने प्रहरीले जनाएको छ ।
