‘इन्टु मिन्टु लण्डनमा’को बर्षकै पहिलो बम्पर ओपनिङ्ग
फिल्म ‘इन्टु मिन्टु लण्डनमा’ ले आशातित आक्रमक इनिसियल व्यापार गरेको छ ।
प्रदर्शनको पहिलो दिन शुक्रबार राम्रो दर्शकको साथ पाएको लभ स्टोरी फिल्मले शनिबार देशैभर आक्रमक रुपमा दर्शकलाई हलमा आकर्षण गर्न सफल रह्यो ।
शनिबार ‘इन्टु मिन्टु लण्डनमा’ लागेका अधिकांश हलहरु हाउसफूल रहेको रिपोर्ट छ ।
विशेषगरी शहरका मल्टिप्लेक्समा साम्राज्ञी राज्यलक्ष्मी शाह र धिरज मगर स्टारर फिल्म हेर्न युवा दर्शकको भिड देखियो ।
राजधानीका हल हलमा पुगेका इन्टु मिन्टु टिमलाई दर्शकले न्यानो स्वागत गरे ।
धिरज र साम्राज्ञीसँग सेल्फी खिच्न दर्शकहरुमाझ हानाथाप भएको थियो ।
इन्टु र मिन्टुसँगै हलहलमा नायक शारुक ताम्रकार र निर्देशक रेनशा वान्तवा राई पुगेका थिए ।
रेनशाको यो डेव्यु निर्देशकिय फिल्म हो । एक दशक नृत्य निर्देशन पछि उनले फिल्म निर्देशनमा हात हालेकी हुन् ।
