कञ्चनपुरकी १३ वर्षिय बालिका निर्मला पन्तको हत्या साउन १० गते नै साँझ करिव ५ बजेतिर भएको रहस्य खुलेको छ । हत्या भएको भोलीपल्ट अर्थात साउन ११ गते विहान मात्र उनको शव उखुबारीमा भेटिएको थियो ।

 

११ गते नै गरिएको पोष्टमार्टमको रिपोर्ट अनुसार उनको हत्या २४ देखि २६ घण्टा अगाडीको विचमा भएको देखिएको हो ।

 

निर्मलाको पोष्टमार्टम ११ गते साँझ ५ बजे गरिएको थियो । साथै उनको हत्या ‘घाँटी अठ्याएर’ गरेको भन्ने रिपोर्टमा उल्लेख गरिएको प्रहरीको उच्च स्रोतले जानकारी दिएको छ । रिपोर्टमा उनको घाँटीको कर्ड भाँचिएको देखिएको छ भने शरीरका अन्य भागमा चोटपटक छैन । तर, बाया आँखामा भने नीलडाम देखिएको छ ।

 

पोस्टमार्टम गर्दा योनिबाट रगतजस्तो वस्तु बगिरहेको चिकित्सकले रिपोर्टमा उल्लेख गरेका छन् । घटनाको अनुसन्धान गरिरहेको प्रहरीले सबैसग अहिले सोधपुछ तथा डिएनए परिक्षणको कार्य अगाडी बढाईरहेको छ ।

 

उच्च स्रोतका अनुसार घटनास्थलबाट करिव ३ किलोमिटर टाढा रहेको सेनाको २५ नम्बर बाहिनीमा रहेका सैनिकमाथि समेत प्राविधिक रूपमा अनुसन्धान केन्द्रित गरेको छ । तर, कसैलाई पनि बयानका लागि वा थप अनुसन्धानका लागि पत्र नकाटिएको बताइएको छ ।

 

निर्मलाको हत्या बम दिदीबहिनीकै घरमा, भयो ठुलो खुलासा !

 

निर्माला पन्तको हत्या बम दिदीबहिनीकै घरमा भएको अनुमान गरिएको छ । सर्वत्र यही खालका तर्क र अाशंका व्यक्त भैरहेको बेलामा नेपाल प्रहरीका एक पूर्व अधिकृतले निर्मलाको हत्या बम दिदीबहिनीकै घरमा भएको र त्यसपछि प्रमाण मेटाइएको बताएका छन ।

 

घटनास्थलको प्रकृति र त्यसपछि स्थानीयहरूले दिएको प्रतिक्रिया सबैको संशलेषणा गर्दा पूर्व प्रहरी अधिकृत बिजयकुमार श्रेष्ठले गरेको यो तर्क सत्यको नजिक देखिएको छ । त्यसकरण हामीले श्रेष्ठको तर्क जस्ताको त्यस्तै यहाँ प्रस्तु गरेका छाैँ ।

उनले भनेका छन

 

म हाल कुनै अनुसन्धान अधिकृत होइन । तर कुनै पनि घटनालाई मनोगत रुपमै ८ कोण र तल माथीबाट बिश्लेषण गर्छु । निर्मला पन्त प्रकरणमा हालसम्म देखीएका घटना प्रकृति अनुसार १० गतेका दिन निर्मलाकी आमा अपरान्ह २ बजे र ५ बजे निर्मलालाई खोज्न बबिता बमको घर पुगेको समयमा निर्मलाको जीवित वा मृत शरिर बबिता बमको घरभित्रै थियो ।

 

त्यहाँ जुन दुखद घटना घट्यो, त्यो भुईँ तलाको पछाडी पट्टीको कोठामा घटेको हुनुपर्छ । किनभने पछाडीको कोठाबाट अगाडीको सडकमा आवाजको गुञ्जन पुग्न सक्तैन, पुगिहाले पनि अस्पष्ट हुन्छ ।

 

 

निर्मला पन्तले पासो लगाएर मरेको हो भन्ने पार्न चकमन्न राती २/३ बजे तिर अम्बाको बोटमा झुण्याएको हुनसक्छ । त्यो अम्वाको बोटले झुण्याएको घटनाको याद दिलाइ, समय समयमा तर्साई रहने हुनाले अम्बाको बोट काटेको हुनसक्छ । त्यसपछि आलो लासलाई ३/४ बजेको सुनसान आवतजावतको समय मिलायर उखु बारीमा फालेको हुनुपर्छ ।

 

 

युट्युबमा देखिएको निर्मलाको शरिरको कुनै पनि भागमा फोका, मुसा लगाएतका साना जीवको दाँतको दाग र छाला खुइलिएको तथा निलो दाग देखिएको थिएन । मानिसको बिहानको चहल पहल शुरु हुनुभन्दा अगाडी र स्यालहरुले आफ्नो बासस्थानमा फर्किने

 

समयमा उक्त लास फालेकोले न कुनै मानिसले देख्नसक्यो नत स्यानहरले लुछ्ने समय पायो । यस घटनाका अपराधीसम्म पुग्न घटना क्रमले योजनाकारको रुपमा देखाएका सम्पूर्ण घटनाका जानकार बम दिदी बहिनीबाटै अनुसन्धान टोलीले गन्तब्य फेला पार्नसक्नेछ ।