सुन तस्करीमा भारतीय-चिनियाँदेखि थाई नागरिकसम्म सक्रिय : विमानस्थल कर्मचारी नै निगरानीमा
सरकारले सुन तस्करीको जालो तोडनेप्रयाश गरेपनि तस्कर समुहले आफ्नो धन्दा कायमै राखको पाइएको छ । पछिल्लो समय प्हरीले पक्राउ गरेको ब्यक्ति हेर्दा सुन तस्करीमा छिमेकी मुलुक भारतदेखि भारत, चीन, थाइल्यान्ड तथा भुटानका नागरिक सक्रिय रहेको देखिएको हो ।
पछिल्लो समय यिनै मुलुकका नागरिक बढी तस्करीको सुनसहित पक्राउ परेका परेका छन् । साउन र भदौमा पक्राउ परेका ३९ मध्ये १५ जना भारतीय नागरिक रहेका छन् । त्यस्तै, दुई थाई र एक भुटानी नागरिक पक्राउ परेका छन् । यसअघि पटकपटक चिनियाँ नागरिक पक्राउ पर्दै आएका छन् ।
भारतीय नागरिकले नेपाललाई ट्रान्जिटका रूपमा प्रयोग गर्छन् । दुबई तथा बैंककबाट नेपाल हुँदै सुन लिएर भारत जान खोज्ने क्रममा भारतीयहरू पक्राउ पर्छन् । दुबईमा नेपालमा भन्दा सुन प्रतितोला १० हजार रुपैयाँसम्म सस्तो पर्छ । सोही कारण सानो मात्रामा पनि सुन तस्करी हुने गरेको छ ।
वैदेशिक रोजगारीबाट फर्कने नेपाली कामदारलाई समेत प्रयोग गरी सुन तस्करी हुने गरेको छ । गत बुधबार मात्र ८ जना नेपाली सुनका गहनासहित पक्राउ परेका थिए ।
कर्मचारी नै निगरानीमा
विगतमा सुन तस्करीमा प्रहरी र एयरलाइन्सकै कर्मचारी संलग्न भएको खुलेपछि अहिले विमानस्थलका कर्मचारीमाथि नै निगरानी बढाइएको छ । विमानस्थलको भित्री क्षेत्रमा प्रवेश गर्दा र निस्कँदा उनीहरूमाथि समेत चेकजाँच हुने गरेको छ ।
‘प्रहरीमाथि नै चेकजाँच हुने गरेको छ,’ डिआइजी कमल जिटी भन्छन्, ‘सिसिटिभी मोनिटरिङ पनि बलियो बनाइएको छ ।’
सुन तस्करी गर्न खोज्ने भारतीय लगातार पक्राउ परेपछि उनीहरूले तत्कालका लागि नेपालको विमानस्थल प्रयोग गर्न छाडेको प्रहरीको भनाइ छ । सानो मात्रामा हुने तस्करी रोक्न पनि सूचना संयन्त्र चुस्त बनाइएको डिआइजी कमल जिटी बताउँछन् ।
