यस्तो बनेर आयो ‘६क्का पञ्जा ३’ को ट्रेलर (भिडियो सहित)
नेपाली सिने नगरीको चर्चित ब्रान्ड हो ६क्का पञ्जाको ब्रान्ड ।
यही ब्रान्डको अर्को न्यू सिनेमा ‘६क्का पञ्जा ३’ को बहुप्रतिक्षित ट्रेलर सार्वजनिक गरिएको छ ।
हाँसो, द्वन्द, एक्सन र सस्पेन्स सहितको यो सिनेमाको प्रचार सामाग्रीलाई आज एक कार्यक्रमको आयोजना गर्दै सार्वजनिक गरिएको हो ।
ट्रेलरमा सिनेमाको मुख्य कलाकारहरु दिपकराज गिरी, दिपीका प्रसाई, केदार घिमिरे माग्ने बुढा, जितु नेपाल, नीर शाह, शिवहरि पौडेल, विल्सन बिक्रम राई, बुद्धि तामाङ्ग लगायतलाई देखाईएको छ ।
दिपाश्री निरौलाले निर्देशन गरेको यो सिनेमामा दिपक शर्मा र अर्जुन पोख्रेलको संगीत छ ।
सिनेमाको यस अघि सार्वजनिक भईसकेको गीत निकै लोकप्रिय भएको छ ।
सिनेमाको आज सार्वजनिक भएको यो ट्रेलरलाई लिएर पनि निर्माण युनिट निकै आशावादी रहेको छ ।
चलचित्र ‘६क्का पञ्जा ३’ असोज २४ गते घटस्थापनाको दिनबाट सार्वजनिक प्रर्दशनमा आउनेछ ।
