जंगलको बीचमा २५ युवतीहरूलाई सामूहिक रुपमा…असई दोषी !
सिन्धुलीको दुधौली नगरपालिका वडा नम्बर २ हत्पतेको भलुवाहीमा युवतीहरूमाथि गलत मनसाय राखेर फसाउन खोजेपछि स्थिति तनावपूर्ण बनेको छ ।
रोजगारी र नेतृत्व विकास तालिमको नाममा नामै नसुनिएको संस्थाले युवा र युवतीहरूलाई फसाउन लागेको चाल पाएपछि स्थानीयले विरोध गरेका थिए । त्यसपछि सो क्षेत्रमा तनाव उत्पन्न भएको थियो ।
शैक्षिक सामाग्री वितरण केन्द्र नाम गरेको सो संस्थाले कर्मचारीको आव्हन गरेर जंगलमा महिलाहरूलाई लगेर तालिम दिने गरेको थियो । स्थानीयले जंगलमा युवा र युवतीलाई तालिम दिँदै गरेको फेला पारेपछि विरोध गरेका थिए । सो संस्थाको उदेश्य गलत भएको स्थानीयको आरोप छ ।
बिहीवार सिन्धुली, उदयपुर, डडेलधुरा लगायतका २५ जना महिलाहरूलार्इ नेतृत्व विकास तालिम दिने भन्दै दुधौली २ भलुवाहीको रतनपुर जंगलमा तालिम दिँदै गरेको अवस्थामा तालिमको आयोजना गर्ने केन्द्रका बैकुण्ठ शाहलाई समातेर प्रहरी चौकी हत्पतेमा बुझाएका थिए ।
तर, शाहलाई कारबाही गर्ने तर्फ सहायक निरीक्षक नवलकिशोर यादवले चासो नदेखाएपछि स्थानीयहरू आक्रोसित बनेका थिए ।
शुक्रबार महिलाहरूलाई सामान्य खर्च दिएर घर पठाउन लागेको तथा प्रहरीले घटनालाई लुकाउन खोजेको भन्दै स्थानीयले प्रदर्शन समेत गरेका छन् ।
र्इलाका प्रहरी कार्यालय डकाहबाट प्रहरी बोलाएर जिम्मा लगाउने क्रममा प्रहरी र स्थानीयबीच सामान्य झडप समेत भएको छ ।
स्थानीयले घटना लुकाउन खोज्ने प्रहरी चौकी हत्पतेका इन्चार्ज एवम् प्रहरी सहायक निरीक्षक नवलकिशोर यादवको सरुवाको माग गरेका छन् । यादवविरुद्ध प्रदर्शन भएको छ ।
रोजगारीको नाममा फसेका महिलाहरूले आ–आफ्नो घर फर्किन १ लाख ७६ हजारको क्षतिपूर्ति रकम माग गरेका छन् । शैक्षिक सामाग्री वितरण केन्द्रको वैधानिकता भेटिएको छैन ।
कागजपत्र नभेटिएको केन्द्रले प्रयोग गर्दै आएको पान नम्वर दिनेश कार्कीको नाममा रहेको पुस्तक पसल भएको खुल्न आएको छ ।
प्रहरी चौकी भलुवाहीका सहायक निरीक्षक नवलकिशोर यादवमाथि अनुसन्धानको माग गर्दै स्थानीयले नियन्त्रणमा लिएर चौकीमा बुझाएका छन् । यादव र शाहलाई इलाका प्रहरी कार्यालय डकाहमा पठाइएको छ ।
असई यादवले नै शाहलाई युवा युवतीहरूलाई समूहिक रुपमा जंगलमा प्रशिक्षण दिन अनुमति दिएको आरोप स्थानीयले लगाएका छन् । शाहलाई कारबाही गर्न असई यादवले चासो नदेखाएपछि स्थानीयहरू आक्रोसित भएका थिए ।रिपब्लिकाबाट
